ചെന്നൈ: ചെങ്കല്പ്പെട്ടില് 11കാരിയുടെ മൃതദേഹം കുറ്റിക്കാട്ടില് നിന്ന് കണ്ടെത്തിയതായി റിപ്പോര്ട്ട്. വെങ്കമ്പക്കം സ്വദേശിനിയായ ആറാം ക്ലാസ് വിദ്യാര്ഥിനിയുടെ മൃതദേഹമാണ് ശരീരത്തില് പരിക്കുകളോടെ കണ്ടെത്തിയത്. രണ്ടുപേരെ സംഭവത്തില് പോലീസ് അറസ്റ്റ് ചെയ്തു. പെണ്കുട്ടിയെ കാണാതായത് ചൊവ്വാഴ്ച വൈകിട്ട് മുതലാണ്.
മാതാവിനൊപ്പം വൈദ്യുതി ബില് അടയ്ക്കാന് പോയ പെണ്കുട്ടി വീട്ടില് തിരിച്ച് എത്താതിരുന്നതിനെ തുടര്ന്നാണ് പിതാവ് പോലീസില് പരാതി നല്കിയത്. പിന്നീട് രാവിലെയാണ് പ്രദേശത്തെ പൊതുശുചിമുറിക്ക് സമീപത്തെ കുറ്റിക്കാട്ടില് നിന്നു മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്കു മാറ്റി.
