കോഴിക്കോട് : കോഴിക്കോട്ട് ട്രെയിനില്‍ കടത്താന്‍ ശ്രമിച്ച 13.5 കോടി രൂപയുടെ സ്വര്‍ണം പിടിച്ചെടുത്തു. ഡല്‍ഹിയില്‍ നിന്ന് എറണാകുളത്തേക്ക് പോകുകയായിരുന്ന മംഗള എക്‌സ്പ്രസില്‍ നിന്നാണ് സ്വര്‍ണം പിടികൂടിയത്. രാജസ്ഥാന്‍ സ്വദേശികളായ സഹോദരങ്ങളെ പോലീസ് കസ്റ്റഡിയിലെടുത്തു.
80 ലക്ഷം രൂപയോളം നികുതി അടക്കേണ്ട സ്വര്‍ണമാണ് അനധികൃതമായി കടത്താന്‍ ശ്രമിച്ചത്. ആര്‍റ്റിഎഫിന്‍റെ ക്രൈംഡിറ്റാച്ച്‌മെന്‍റ് സംഘത്തിന് ലഭിച്ച വിവരമനുസരിച്ച്‌ നടത്തിയ പരിശോധനയിലാണ് അനധികൃതമായി ട്രെയിനില്‍ കൊണ്ടുപോകുന്ന സ്വര്‍ണം കണ്ടെത്തിയത്. തൃശൂരിലേക്കാണ് സ്വര്‍ണം കൊണ്ടുപോകുന്നതെന്ന് ഇവര്‍ മൊഴി നല്‍കിയിട്ടുണ്ട്.
