ഡൽഹി : ബുധനാഴ്ച മുതൽ നാല് ഗൾഫ് രാജ്യങ്ങളിൽ നിന്ന് ഇന്ത്യയിലേക്ക് വരുന്ന എല്ലാ യാത്രക്കാർക്കും നിർബന്ധിത ക്വാറന്റയിൻ ഏർപ്പെടുത്താൻ കേന്ദ്ര സർക്കാർ തീരുമാനിച്ചു. യു.എ.ഇ, ഖത്തർ, ഒമാൻ, കുവൈത്ത് എന്നിവിടങ്ങളിൽ നിന്ന് വരുന്നവർക്കും ഈ രാജ്യങ്ങളിൽക്കൂടി വരുന്നവർക്കും 14 ദിവസത്തെ നിർബന്ധിത നിരീക്ഷണം (ക്വാറന്റയിൻ) ഏർപ്പെടുത്താനാണ് തീരുമാനം.
അതേ സമയം സൗദി അറേബ്യയുടെ പേര് കേന്ദ്ര ആരോഗ്യ മന്ത്രാലയത്തിന്റെ ഉത്തരവിൽ ഇല്ല. എല്ലാ അന്താരാഷ്ട്ര വിമാന സർവീസുകളും സൗദി അറേബ്യ നിറുത്തിവെച്ചിട്ടുണ്ട്.
യൂറോപ്യൻ യൂണിയൻ, യൂറോപ്യൻ ഫ്രീ ട്രേഡ് അസോസിയേഷൻ, അതിന്റെ അംഗരാഷ്ട്രങ്ങൾ, തുർക്കി, യു.കെ. എന്നിവിടങ്ങളിൽനിന്നുള്ളവർക്ക് 18 മുതൽ 31 വരെ രാജ്യത്ത് പ്രവേശനമുണ്ടാവില്ല.
