ലഖ്നോ: ഉത്തര് പ്രദേശില് 15കാരി മണ്ണെണ്ണ ഒഴിച്ച് തീകൊളുത്തി ആത്മഹത്യക്ക് ശ്രമിച്ചു. യുപിയിലെ ഹമിര്പൂര് ഗ്രാമത്തിലാണ് സംഭവം. പെണ്കുട്ടിയെ പ്രായപൂര്ത്തിയാകാത്ത യുവാവ് സ്ഥിരമായി ശല്യം ചെയ്തിരുന്നതായും ഇതേത്തുടര്ന്നാണ് അവര് ആതമഹത്യക്ക് ശ്രമിച്ചതെന്നും പോലീസ് വെളിപ്പെടുത്തി. ആത്മഹത്യാ ശ്രമത്തില് ഗുരുതരമായി പൊള്ളലേറ്റ പെണ്കുട്ടിയെ കാണ്പൂരില് വിദഗ്ധ ചികിത്സക്കായി കൊണ്ടുപോയി.
പെണ്കുട്ടിയുടെ ബന്ധുക്കളുടെ ആരോപണത്തെ തുടര്ന്ന് പോലീസ് യുവാവിനെ താക്കീത് നല്കി വിട്ടയച്ചിരുന്നു. തിങ്കളാഴ്ചത്തെ സംഭവ ശേഷം കുട്ടി മാനസിക സമ്മര്ദ്ദത്തിലായിരുന്നുവെന്നും ചൊവ്വാഴ്ച രാവിലെ മണ്ണെണ്ണ ഒഴിച്ച് തീ കൊളുത്തുകയായിരുന്നുവെന്ന് ബന്ധുക്കള് അറിയിച്ചു. കാണ്പൂരിലേക്ക് കൊണ്ടുപോകുന്നതിന് മുമ്പ് മജിസ്ട്രേറ്റിന്റെ സാന്നിധ്യത്തില് പോലീസ് പെണ്കുട്ടിയുടെ മൊഴിയെടുത്തിട്ടുണ്ട്.