കളമശ്ശേരി : കളമശേരിയില്‍, ലഹരി ഉപയോഗം വീട്ടില്‍ അറിയിച്ചെന്ന് ആരോപിച്ച്‌ പതിനേഴുകാരന് ക്രൂര മര്‍ദനം. കേസില്‍ സുഹൃത്തുക്കളായ നാലുപേരെ കളമശ്ശേരി പോലീസ് കസ്റ്റഡിയില്‍ എടുത്തു. ഇന്നലെ ഉച്ചയ്ക്ക് കളമശ്ശേരി ഗ്ലാസ് ഫാക്ടറി കോളനിക്ക് സമീപത്ത് വച്ചാണ് സംഭവം ഉണ്ടായത് .
തുടര്‍ന്ന് ദേഹാസ്വസ്ഥ്യം പ്രകടിപ്പിച്ചതിനെ തുടര്‍ന്ന് കളമശേരി മെഡിക്കല്‍ കോളേജില്‍ പ്രവേശിപ്പിച്ചു. എന്നാല്‍ ആശുപത്രി വിട്ടെങ്കിലും പതിനേഴുകാരന് എഴുന്നേറ്റ് നടക്കാന്‍ ആകാത്ത നിലയിലാണ്.
