സീതാപൂര്: ഇതരജാതിയില്പ്പെട്ട യുവാവിനെ വിവാഹം കഴിച്ചതിനെ തുടര്ന്ന് 20കാരിയെ അമ്മാവന് കഴുത്തറുത്ത് കൊലപ്പെടുത്തി. ഉത്തര്പ്രദേശിലെ സീതാപൂരിലാണ് സംഭവം. കൊലപാതകത്തിന് ഉപയോഗിച്ച ആയുധവുമായി പ്രതി പിന്നീട് പോലീസ് സ്റ്റേഷനില് കീഴടങ്ങുകയായിരുന്നുവെന്ന് പോലീസ് പറഞ്ഞു. പിസാവന് പോലീസ് സ്റ്റേഷന് പരിധിയിലെ ബജ്നഗര് ഗ്രാമത്തില് ശനിയാഴ്ചയാണ് സംഭവം.
യുവതിയുടെ മൃതദേഹം പോസ്റ്റുമോര്ട്ടത്തിന് അയച്ചുവെന്നും സംഭവത്തില് കുടുതല് അന്വേഷണം നടക്കുകയാണെന്നും പോലീസ് അറിയിച്ചു. 20 കാരിയായ മരുമകളും ഗ്രാമത്തിലെ വിവാഹിതനായ രൂപ് മൗര്യ ചന്ദ്ര എന്ന യുവാവുമായി അടുപ്പത്തിലാവുകയും കഴിഞ്ഞ നവംബറില് ഇരുവരും ഒളിച്ചോടുകയും വിവാഹിതരാവുകയും ചെയ്തു. അടുത്തിടെയാണ് അവര് ഗ്രാമത്തിലേക്ക് മടങ്ങിയെത്തിയത്. തുടര്ന്ന് ഗ്രാമത്തില് താമസിക്കാനെത്തിയ യുവതിയെ അമ്മാവന് വീട്ടില് നിന്ന് വലിച്ചിഴച്ച ശേഷം കഴുത്തറുത്ത് കൊലപ്പെടുത്തുകയായിരുന്നു.
