പത്തനംതിട്ട : തിരുവനന്തപുരം, കരിപ്പൂര്‍, കൊച്ചി അന്താരാഷ്ട്ര വിമാനത്താവളങ്ങളിലായി വെള്ളി , ശനി ദിവസങ്ങളില്‍ 20 വിമാനങ്ങളിലായി പത്തനംതിട്ട ജില്ലക്കാരായ 221 പ്രവാസികള്‍കൂടി എത്തി. ഇവരില്‍ 43 പേര്‍ കോവിഡ് കെയര്‍ സെന്ററുകളിലും 178 പേര്‍ വീടുകളിലും നിരീക്ഷണത്തില്‍ പ്രവേശിച്ചു.
ആറു സ്പെഷല്‍ ട്രെയിനുകളിലായി ഇതര സംസ്ഥാനങ്ങളില്‍നിന്ന് പത്തനംതിട്ട ജില്ലക്കാരായ 77 പേര്‍ കൂടി വെള്ളി, ശനി, ഞായര്‍ ദിവസങ്ങളിലായി എത്തി. ഇവരില്‍ ഏഴു പേരെ വിവിധ കോവിഡ് കെയര്‍ സെന്ററുകളിലും 70 പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.
