ഇന്ത്യയിലെ രണ്ടാമത്തെ വലിയ ടെലിക്കോം കമ്പനിയായ എയർടെൽ ജിയോയുമായി കടുത്ത മത്സരത്തിലാണ്. കൂടുതൽ മികച്ച പ്ലാനുകൾ നൽകി വരിക്കാരെ ആകർഷിക്കാനാണ് എയർടെൽ ശ്രമിക്കുന്നത്. ഇതിന്റെ ഭാഗമായി എയർടെൽ പുതിയ പ്രീപെയ്ഡ് പ്ലാൻ അവതരിപ്പിച്ചു. 289 രൂപ വിലയുള്ള പ്ലാനാണ് എയർടെൽ അവതരിപ്പിച്ചിരിക്കുന്നത്. കുറഞ്ഞ വിലയ്ക്ക് കൂടുതൽ വാലിഡിറ്റിയും ആനുകൂല്യങ്ങളും നൽകുന്ന പ്ലാനാണിത്. ഈ പ്ലാൻ ഡാറ്റ, കോളിങ്, എസ്എംഎസ് ആനുകൂല്യങ്ങൾ നൽകുന്നുണ്ട്.
എയർടെൽ അവതരിപ്പിച്ചിരിക്കുന്ന പുതിയ 289 രൂപ വിലയുള്ള പ്രീപെയ്ഡ് പ്ലാൻ ഉപയോക്താക്കൾക്ക് ഡാറ്റയെക്കാൾ കൂടുതൽ വാലിഡിറ്റിക്ക് പ്രധാന്യം നൽകുന്നു. 35 ദിവസത്തെ വാലിഡിറ്റിയാണ് പുതിയ പ്ലാനിലൂടെ ലഭിക്കുന്നത്. 35 ദിവസം വാലിഡിറ്റി നൽകുന്ന എയർടെല്ലിന്റെ ആദ്യ പ്ലാൻ കൂടിയാണിത്. പുതിയ 289 രൂപ പ്രീപെയ്ഡ് പ്ലാൻ എയർടെൽ വെബ്സൈറ്റിലും ആപ്പിലും ലിസ്റ്റ് ചെയ്തിട്ടുണ്ട്. നിങ്ങൾക്ക് ഇന്ന് മുതൽ ഈ പ്ലാൻ റീചാർജ് ചെയ്യാവുന്നതാണ്.
മുകളിൽ സൂചിപ്പിച്ചത് പോലെ 289 രൂപ പ്രീപെയ്ഡ് പ്ലാൻ 35 ദിവസത്തെ വാലിഡിറ്റി നൽകുന്നു. ഈ പ്ലാനിലൂടെ മൊത്തം വാലിഡിറ്റി കാലയളവിലേക്കുമായി ഉപയോക്താക്കൾക്ക് 4 ജിബി ഡാറ്റയാണ് ലഭിക്കുന്നത്. 300 എസ്എംഎസുകളും ഈ പ്ലാൻ നൽകുന്നുണ്ട്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും എയർടെല്ലിന്റെ പുതിയ 289 രൂപ പ്ലാൻ ലഭ്യമാക്കുന്നുണ്ട്. എയർടെൽ താങ്ക്സ് – അപ്പോളോ 24|7 സർക്കിൾ, സൗജന്യ ഹെലോട്യൂൺസ്, വിങ്ക് മ്യൂസിക് ഫ്രീ എന്നിവയാണ് പ്ലാനിലൂടെ ലഭിക്കുന്ന അധിക ആനുകൂല്യങ്ങൾ.
ഇന്ത്യയിലെ മറ്റൊരു ടെലിക്കോം കമ്പനിയും എയർടെൽ പുതുതായി അവതരിപ്പിച്ച പ്ലാനിന് സമാനമായ പ്ലാൻ നൽകുന്നില്ല എന്നതാണ് ശ്രദ്ധേയമായ കാര്യം. 35 ദിവസത്തേക്ക് 289 രൂപ എന്ന നിരക്ക് നോക്കുമ്പോൾ ഒരു ദിവസത്തേക്ക് 8.25 രൂപയാണ് ചിലവ് വരുന്നത്. സെക്കന്ററി സിം കാർഡ് ഉപയോഗിക്കുന്ന ആളുകൾക്കും കൂടുതൽ വൈഫൈ ഉപയോഗിക്കുന്ന ആളുകൾക്കും ഈ പ്ലാൻ മികച്ച ചോയിസാണ്. അധികം ഡാറ്റ ഉപയോഗിക്കാത്ത ആളുകൾക്കും 289 രൂപ പ്രീപെയ്ഡ് പ്ലാൻ റീചാർജ് ചെയ്യുന്നത് ഗുണം ചെയ്യും.
199 രൂപ പ്ലാൻ
എയർടെൽ 289 രൂപ പ്രീപെയ്ഡ് പ്ലാൻ അവതരിപ്പിക്കുന്നതിന് മുമ്പ് തന്നെ നൽകി വരുന്ന മറ്റൊരു മികച്ച പ്ലാനാണ് 199 രൂപയുടേത്. ഈ പ്ലാനിലൂടെ വരിക്കാർക്ക് 30 ദിവസത്തെ വാലിഡിറ്റിയാണ് ലഭിക്കുന്നത്. ഈ പ്ലാൻ 289 രൂപ പ്ലാനിന്റെ അതേ രീതിയിൽ എയർടെൽ താങ്ക്സ് ആനുകൂല്യങ്ങൾ നൽകുന്നു. പ്ലാനിലൂടെ 3 ജിബി ഡാറ്റയാണ് വരിക്കാർക്ക് ലഭിക്കുന്നത്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും. 300 എസ്എംഎസുകളാണ് ഈ പ്ലാനിലൂടെ ലഭിക്കുന്നത്.
199 രൂപ പ്ലാൻ തിരഞ്ഞെടുത്താൽ ഓരോ ദിവസവും 6.63 രൂപയാണ് ചിലവ് വരുന്നത്. ഇത് 289 രൂപ പ്ലാനിനേക്കാൾ വളരെ കുറവാണ്. നിങ്ങളുടെ ആവശ്യമനുസരിച്ച് നിങ്ങൾക്ക് 289 രൂപയുടെയോ 199 രൂപയോ പ്ലാൻ തിരഞ്ഞെടുക്കാം. എയർടെൽ രാജ്യത്തിന്റെ എല്ലാ ഭാഗങ്ങളിലും ഇപ്പോൾ അതിവേഗം 5ജി പുറത്തിറക്കുന്നുണ്ട്. ഉപഭോക്താക്കൾക്ക് അൺലിമിറ്റഡ് 5ജി ഡാറ്റ ഉപയോഗിക്കാനും ഈസാധിക്കും. നിങ്ങൾ 239 രൂപയ്ക്കോ അതിന് മുകളിലുള്ളതോ ആയ പ്ലാൻ റീചാർജ് ചെയ്താലാണ് അൺലിമിറ്റഡ് 5ജി ഡാറ്റ ലഭിക്കും. 289 രൂപ പ്ലാൻ റീചാർജ് ചെയ്താൽ ഈ ആനുകൂല്യവും ലഭിക്കും.
എയർടെലിന്റെ ഏറ്റവും നിരക്ക് കുറഞ്ഞ പ്ലാൻ: എയർടെലിൽനിന്ന് ലഭിക്കുന്ന ഏറ്റവും നിരക്ക് കുറഞ്ഞ പ്ലാൻ 155 രൂപയുടേതാണ്. 24 ദിവസ വാലിഡിറ്റി മാത്രമാണ് ഇതിൽ ലഭിക്കുക. എന്നാൽ അൺലിമിറ്റഡ് കോളിങ് സൗകര്യം ഈ പ്ലാൻ വാഗ്ദാനം ചെയ്യുന്നു. ഇതോടൊപ്പം ആകെ 1 ജിബി ഡാറ്റയും 300 എസ്എംഎസും എയർടെൽ നൽകുന്നുണ്ട്. 155 രൂപയുടെ പ്ലാൻ കഴിഞ്ഞാൽ തൊട്ടടുത്ത എയർടെൽ റീച്ചാർജ് ഓപ്ഷൻ 28 ദിവസ വാലിഡിറ്റിയോടെ എത്തുന്ന 179 രൂപയുടെ പ്രീപെയ്ഡ് പ്ലാനാണ്. 155 രൂപയുടെ എയർടെൽ പ്ലാനുപകരം 24 രൂപകൂടി അധികം മുടക്കിയാൽ 28 ദിവസത്തെ വാലിഡിറ്റി ലഭ്യമാക്കും എന്നതാണ് 179 രൂപ പ്ലാനിന്റെ പ്രത്യേകത.
ആകെ 2ജിബി ഡാറ്റ, അൺലിമിറ്റഡ് വോയിസ് കോളിങ്, 300 സൗജന്യ എസ്എംഎസ് എന്നിവയാണ് 179 രൂപയുടെ എയർടെൽ പ്ലാനിലെ പ്രധാന ആനുകൂല്യങ്ങൾ. അധിക ആനുകൂല്യമായി സൗജന്യ ഹെലോട്യൂണുകളും വിങ്ക് മ്യൂസിക്കും ആണ് നൽകിയിരിക്കുന്നത്. അ‌തിനാൽ 155 രൂപയുടെ പ്ലാനിലുള്ളതിനെക്കാൾ ആനുകൂല്യം വേണം എന്ന് ആഗ്രഹിക്കുന്നവർക്ക് 179 രൂപയുടെ പ്ലാൻ നല്ലൊരു ഓപ്ഷനാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
