പറവൂര് : യുവാവിനെ കൊലപ്പെടുത്താന് ശ്രമിച്ച പ്രതിയെ ഒളിവില് താമസിക്കാന് സഹായം ചെയ്ത മൂന്നുപേരെ പോലീസ് അറസ്റ്റ് ചെയ്തു. വാടനപ്പിള്ളി നാലകത്ത് റഫീഖ് (29), മുപ്പത്തടം വലിയങ്ങാടി ഷാഹുല് (33), നാട്ടിക അമലത്ത് വീട്ടില് സിനാര് (25) എന്നിവരെയാണ് നോര്ത്ത് പറവൂര് പോലീസ് അറസ്റ്റ് ചെയ്തത്. പറവൂര് മന്നം സ്വദേശിയെ, മന്നം മില്ലുംപടി ഭാഗത്ത് വച്ച് നാടന് ബോംബെറിഞ്ഞ് ഭീതി പരത്തി വാളുകൊണ്ട് വെട്ടിക്കൊലപ്പെടുത്താന് ശ്രമിച്ച കേസിലെ പ്രതികള്ക്ക് ഒളിവില് കഴിയാന് സഹായം ചെയ്തു നല്കിയത്.
പ്രതികള്ക്ക് സാമ്പത്തിക സഹായവും ഇവര് നല്കിയിരുന്നു. ഒളിവില് കഴിയാന് സഹായിച്ചതുമായി ബന്ധപ്പെട്ട് മൂന്നു പേരെ നേരത്തെ അറസ്റ്റ് ചെയ്തിരുന്നു. ആക്രമണവുമായി ബന്ധപ്പെട്ട് അറസ്റ്റിലായ മുഹമ്മദ് ആഷിക്ക്, വിപിന് (വാരപ്പന്) എന്നിവര് റിമാന്റിലാണ്. ഞാറക്കല് ജെ.എഫ്.സി.എം കോടതിയില് ഹാജരാക്കിയ പ്രതികളെ റിമാന്റ് ചെയ്തു.
