കൊച്ചി : കാറില് കടത്താന് ശ്രമിച്ച 40 കിലോ കഞ്ചാവ് എക്സൈസ് പിടികൂടി. നെടുമ്പാശ്ശേരി കോട്ടയില് വെച്ചാണ് രഹസ്യ വിവരത്തെ തുടര്ന്ന് സ്റ്റേറ്റ് എക്സസൈസ് എന് ഫോഴ്സ്മെന്റും ആലുവ എക്സൈസും ചേര്ന്ന് കഞ്ചാവ് പിടികൂടിയത്.
വാഹനം പിന്തുടര്ന്ന് തടഞ്ഞാണ് കഞ്ചാവ് കടത്ത് സംഘത്തെ പിടികൂടിയത്. മഹാരാഷ്ട്രയില് താമസിക്കുന്ന പളനി സ്വദേശി മുരുകന്, കൊല്ലം സ്വദേശി രാജീവ് എന്നിവര് സഞ്ചരിച്ച വാഹനത്തില് നിന്നാണ് കഞ്ചാവ് പിടികൂടിയത്. കാറില് രഹസ്യ അറയുണ്ടാക്കിയാണ് ഇവര് കഞ്ചാവ് കടത്താന് ശ്രമിച്ചത്. കൊല്ലത്ത് വിതരണം ചെയ്യുന്നതിനായി ആന്ധ്രയില് നിന്ന് കൊണ്ടുവന്നതാണ് കഞ്ചാവെന്ന് എക്സൈസ് പറഞ്ഞു. കേരളത്തിനു പുറമെ ഉത്തരേന്ത്യയിലേക്കും കഞ്ചാവ് എത്തിച്ചു കൊടുക്കുന്ന കഞ്ചാവ് കടത്ത് സംഘത്തില്പ്പെട്ടവരാണ് ഇവരെന്നും എക്സൈസ് വിശദീകരിച്ചു.
