ആദായ നികുതി റിട്ടേൺ (ഐടിആർ) ഫയൽ ചെയ്യുമ്പോൾ നികുതിദായകർ അറിഞ്ഞിരിക്കേണ്ട ചില മാറ്റങ്ങളും അപ്ഡേറ്റുകളും ഉണ്ട്. ഫയലിംഗ് കൃത്യമായി നടത്തുന്നതിനും ലഭ്യമായ ആനുകൂല്യങ്ങളും കിഴിവുകളും അറിഞ്ഞിരിക്കുന്നതിനും ഈ മാറ്റങ്ങളെ കുറിച്ച് ധാരണ ഉണ്ടാവണം എന്നത് ആവശ്യമാണ്. തെറ്റായതോ കാലഹരണപ്പെട്ടതോ ആയ വിവരങ്ങൾ ഉപയോഗിച്ച് ഐടിആർ ഫയൽ ചെയ്യുന്നതും പിശകുകളുടെ സാധ്യത വർദ്ധിപ്പിക്കുന്നു. അത്തരം പിഴവുകൾ നികുതി ഓഡിറ്റുകൾ അല്ലെങ്കിൽ നികുതി അധികാരികളുടെ കണ്ണിൽപ്പെടാം. കൂടാതെ, ആദായ നികുതി വകുപ്പിന്റെ അധിക സൂക്ഷ്മപരിശോധനയില് ഇത് അധിക സാമ്പത്തിക ബാധ്യത ഉണ്ടാക്കും. ഈ വർഷം കാര്യമായ മാറ്റങ്ങളൊന്നുമില്ലെങ്കിലും, ഐടിആർ ഫയൽ ചെയ്യുമ്പോൾ പരിഗണിക്കേണ്ട ചില സുപ്രധാന കാര്യങ്ങള് ഉണ്ട്. ഉദാഹരണത്തിന്, ക്രിപ്റ്റോയിൽ നിന്നും മറ്റ് വെർച്വൽ ഡിജിറ്റൽ അസറ്റുകളിൽ (വിഡിഎ) നിന്നുമുള്ള വരുമാനം റിപ്പോർട്ടുചെയ്യേണ്ടതുണ്ട്. 2022-23 വർഷത്തിലേക്കുള്ള ഐടിആർ ഫയൽ ചെയ്യുമ്പോൾ സംഭവിച്ച മാറ്റങ്ങളെക്കുറിച്ച് അറിഞ്ഞിരിക്കാം.
വെർച്വൽ ഡിജിറ്റൽ ആസ്തികളിൽ നിന്നുള്ള വരുമാനം റിപ്പോർട്ട് ചെയ്യണം
വെർച്വൽ ഡിജിറ്റൽ ആസ്തികളിൽ ക്രിപ്റ്റോ അസറ്റുകൾ ഉൾക്കൊള്ളുന്നു. വിഡിഎകൾ കൈമാറ്റം ചെയ്യുന്നതിലൂടെ ലഭിക്കുന്ന വരുമാനത്തിന്റെ 30 ശതമാനം സർചാർജിനും സെസ്സിനും വിധേയമായിരിക്കും. അത്തരം വരുമാനം കണക്കാക്കുമ്പോൾ, ഏറ്റെടുക്കൽ ചെലവ് ഒഴികെ ഏതെങ്കിലും ചെലവുകൾക്കായി കിഴിവുകൾ നേടാനാവില്ല എന്നത് ശ്രദ്ധിക്കേണ്ടതാണ്. വെർച്വൽ ഡിജിറ്റൽ ആസ്തികൾ ഏറ്റെടുക്കൽ തീയതി, ട്രാൻസ്ഫർ തീയതി, എന്നിവ പോലുള്ള വിശദാംശങ്ങൾ ആവശ്യമാണ്. ഡിജിറ്റൽ ആസ്തികളിൽ നിന്ന് വരുമാനമുണ്ടെങ്കിൽ, ഐടിആർ-1 അല്ലെങ്കിൽ ഐടിആർ-4 ഫയൽ ചെയ്യാൻ കഴിയില്ല. പകരം, അത്തരം വരുമാനം ഐടിആർ-2 അല്ലെങ്കിൽ ഐടിആർ-3 ഫോമിൽ റിപ്പോർട്ട് ചെയ്യാം. അത്തരം വരുമാനത്തിന് ബിസിനസ് വരുമാനത്തിന്റെയോ മൂലധന നേട്ടത്തിന്റെയോ തലത്തിൽ നികുതി നല്കണം.
സംഭാവന നൽകിയതിന്റെ വിശദാംശങ്ങൾ
സെക്ഷൻ 80ജി പ്രകാരം കിഴിവ് ക്ലെയിം ചെയ്യുകയാണെങ്കിൽ, ഫോറം 10ബിഇയിലെ സംഭാവന രസീതും സംഭാവന സർട്ടിഫിക്കറ്റും ലഭ്യമാക്കേണ്ടത് അത്യാവശ്യമാണ്. കിഴിവ് ക്ലെയിം ചെയ്യുന്നതിന്, നികുതിദായകർ സംഭാവന നൽകിയതിന്റെ വിശദാംശങ്ങൾ ഐടിആർ ഫോമിലെ ബാധകമായ ഷെഡ്യൂൾ 80ജിയിൽ നൽകേണ്ടതുണ്ട്. നടപ്പുവർഷത്തെ ഐടിആർ ഫോമിൽ, ടേബിൾ ഡിലേക്ക് ഒരു പുതിയ കോളം ചേർത്തിട്ടുണ്ട്. യോഗ്യതാ പരിധിക്ക് വിധേയമായി, 50 ശതമാനം കിഴിവ് അനുവദിച്ചിരിക്കുന്ന സ്ഥാപനങ്ങൾക്ക് നൽകിയ സംഭാവനകൾ ഈ കോളത്തിൽ എആർഎൻ (സംഭാവന റഫറൻസ് നമ്പർ) വെളിപ്പെടുത്തണം.
ഇൻട്രാഡേ ട്രേഡിംഗിൽ നിന്നുള്ള വിറ്റുവരവിന്റെ റിപ്പോർട്ടിംഗ്
ഒരു ഊഹക്കച്ചവട ഇടപാടായി കണക്കാക്കപ്പെടുന്ന ഒന്നാണ് ഇൻട്രാഡേ ട്രേഡിംഗ്. ലാഭമോ നഷ്ടമോ എന്തുതന്നെയായാലും അതിന് നിങ്ങള്ക്ക് നികുതി നല്കേണ്ടിവരും. ഈ വർഷത്തെ ഐടിആർ ഫോമിൽ
ഒരു പ്രത്യേക വിഭാഗം ഇതിനായി ഉൾപ്പെടുത്തിയിട്ടുണ്ട്. പാർട്ട് എ-ട്രേഡിംഗ് അക്കൗണ്ട്, അവിടെ വ്യക്തികൾ അവരുടെ ഇൻട്രാഡേ ട്രേഡിംഗ് പ്രവർത്തനങ്ങളെക്കുറിച്ചുള്ള വിവരങ്ങൾ പ്രത്യേകം നല്കണം. ഐടിആർ ഫോമുകളില് ഇപ്പോൾ ഇൻട്രാഡേ ട്രേഡിംഗിൽ നിന്നുള്ള വിറ്റുവരവും ലാഭനഷ്ട അക്കൗണ്ടിലേക്ക് ട്രാൻസ്ഫർ ചെയ്ത ഇൻട്രാഡേ ട്രേഡിംഗിൽ നിന്നുള്ള വരുമാനത്തിന്റെ വിവരങ്ങളും ആവശ്യമാണ്.
റിലീഫ് ക്ലെയിം ചെയ്ത വരുമാനത്തിന്റെ വെളിപ്പെടുത്തൽ
ആദായ നികുതി വകുപ്പ് 89എ പ്രകാരം, ഒരു രാജ്യത്ത് റിട്ടയർമെന്റ് ആനുകൂല്യ അക്കൗണ്ടുകളിൽ നിന്നുള്ള വരുമാനത്തിന് നികുതി ഇളവ് വാഗ്ദാനം ചെയ്യുന്നു. ഒരു വ്യക്തി അത്തരം റിലീഫ് ക്ലെയിം ചെയ്തിട്ടുണ്ടെങ്കിൽ, അവർ ഷെഡ്യൂൾ ശമ്പളത്തിൽ പ്രസക്തമായ വിവരങ്ങൾ നൽകേണ്ടതുണ്ട്.
