തിരുവനന്തപുരം : പ്രൊഡക്ഷന് ആന്ഡ് മാര്ക്കറ്റിംഗ് ഇന്സന്റീവ് പദ്ധതിപ്രകാരം കയര്പിരി മേഖലയിലെ 584 സഹകരണസംഘങ്ങള്ക്ക് 7.74 കോടി രൂപ കൂടി സംസ്ഥാന സര്ക്കാര് അനുവദിച്ചു. മേഖലയിലെ 584 സംഘങ്ങള്ക്ക് ഇതിന്റെ പ്രയോജനം ലഭിക്കും. സംഘങ്ങളുടെ ഉല്പാദന-വിപണന ഇന്സന്റീവുകളുമായി ബന്ധപ്പെട്ട കുടിശിക തീര്ക്കാന് തുക വിനിയോഗിക്കും. കയര് സഹകരണ സംഘങ്ങള്ക്ക് എം.ഡി.എ, പി.എം.ഐ, ഐ.എസ്.എസ് പദ്ധതികള്ക്കായി 28.7 1 കോടി രൂപ ഇതിനോടകം നല്കിയിരുന്നു. ഐ.എസ്.എസ് പദ്ധതിക്കായി 10 കോടി രൂപ കൂടി തൊഴില് വകുപ്പില് നിന്നും ലഭ്യമാക്കും.
