അഹമ്മദാബാദ് : ഗുജറാത്തിൽ നിർമാണം നടക്കുന്ന കെട്ടിടത്തിലെ ലിഫ്റ്റ് തകർന്നുവീണ് എട്ടു പേർ മരിച്ചു. അഹമ്മദാബാദിലാണ് അപകടം. തകർന്നുവീണ ലിഫ്റ്റിനുള്ളിലുണ്ടായിരുന്ന 8 തൊഴിലാളികളാണു മരിച്ചത്. പരുക്കേറ്റ ഒരാളെ ആശുപത്രിയിൽ പ്രവേശിപ്പിച്ചു.ഗുജറാത്ത് യൂണിവേഴ്സിറ്റി ക്യാംപസിനടുത്തുള്ള കെട്ടിടത്തിലാണ് അപകടമുണ്ടായത്. ഏഴാം നിലയിൽനിന്നു താഴത്തേക്കു ലിഫ്റ്റ് വീഴുകയായിരുന്നെന്നാണു പ്രാഥമിക നിഗമനമെന്നു ഡിസിപി (സോൺ 1) ലാവിന സിൻഹ പറഞ്ഞു.സ്വകാര്യ കെട്ടിടമാണു തകർന്നതെന്നും രാവിലെ ഏഴരയോടെയുണ്ടായ സംഭവം ബിൽ‍ഡർ മറച്ചുവയ്ക്കുകയായിരുന്നെന്നും അഹമ്മദാബാദ് മേയർ കെ.ജെ.പർമാർ പ്രതികരിച്ചു.
