അടൂര്‍ : വടക്കടത്തുകാവ്‌ – ഐവര്‍കാല റോഡ് ചെളിക്കുളമായി. ജലജീവന്‍ പദ്ധതിയുടെ ഭാഗമായി റോഡരുകില്‍ പൈപ്പിട്ട ഭാഗം മണ്ണിട്ടു മൂടിയിരുന്നു. മഴ പെയ്‌തതോടെ ഈ മണ്ണ്‌ ചൂരക്കോട്‌ – എണ്ണയ്‌ക്കാട്ട്‌ പടി ഭാഗത്ത്‌ റോഡിലേക്ക്‌ ഒലിച്ചിറങ്ങി. ഇത്‌ അപകട ഭീഷണി ഉയര്‍ത്തുകയാണ്‌. ചെളിയും മണ്ണും റോഡിന്‌ നടുക്കായാണ്‌ കിടക്കുന്നത്‌. അതിനാല്‍ ഇരുചക്രവാഹനയാത്രക്കാര്‍ ചെളിയില്‍ തെന്നി വീണ്‌ അപകടം സംഭവിക്കുന്നത്‌ പതിവാണ്‌. കഴിഞ്ഞ ദിവസം രണ്ട്‌ ഇരുച ക്രവാഹന യാത്രികര്‍ക്ക്‌ ഇത്തരത്തില്‍ അപകടം സംഭവിച്ചിരുന്നു. മണ്ണ്‌ റോഡില്‍ കിടക്കുന്നതിനാല്‍ വെള്ളക്കെട്ടും ഉണ്ട്‌. റോഡ് തകര്‍ന്നു കിടക്കുകയുമാണ്‌. ഇതോടെ കാല്‍നടയാത്ര പോലും അസാധ്യമായി. മഴക്കാലത്തിന്‌ മുന്‍പാണ്‌ റോഡരുകില്‍ പൈപ്പിട്ടത്‌. പൈപ്പിട്ട ശേഷം കുഴി മണ്ണിട്ട്‌ നികത്തിയെങ്കിലും ശരിയായ വിധം ഉറപ്പിക്കാത്തതിനാല്‍ മഴ ശക്‌തമായതോടെ മണ്ണ്‌ ഒലിച്ചു പോവുകയായിരുന്നു. ഇതോടെ പൈപ്പിട്ട ഭാഗം റോഡരുകില്‍ വലിയ കുഴിയായി. ഈ കുഴിയില്‍ വാഹനം മറിഞ്ഞ്‌ അപകടം സംഭവിക്കാനുള്ള സാധ്യതയുമുണ്ട്‌.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
