പ്രണയം നിരസിച്ചു ; യുവതിയുടെ വീട്ടിലെത്തി യുവാവ് തീകൊളുത്തി മരിച്ചു

കൊല്ലം : കാവനാട് പ്രണയം നിരസിച്ചതിന് യുവതിയുടെ വീട്ടിലെത്തി യുവാവ് മണ്ണെണ്ണ ഒഴിച്ച്‌ തീകൊളുത്തി മരിച്ചു. കടവൂര്‍ സ്വദേശി ശെല്‍വ മണിയാണ് മരിച്ചത്. 95 ശതമാനത്തിലധികം പൊള്ളലേറ്റ ഇയാള്‍ തിരുവനന്തപുരം മെഡിക്കല്‍ കോളേജില്‍ ചികിത്സയിലിരിക്കെയാണ് മരിച്ചത്. പ്രണയ നൈരാശ്യത്തെ തുടര്‍ന്നാണ് തീ കൊളുത്തിയതെന്നാണ് യുവാവിന്റെ മൊഴി. പൊള്ളലേറ്റ യുവതിയുടെ അമ്മയും ഗുരുതരാവസ്ഥയില്‍ കൊല്ലത്തെ സ്വകാര്യ ആശുപത്രിയില്‍ ചികിത്സയിലാണ്.