കൊച്ചി : ആരോഗ്യ മേഖലയില് സ്പ്രിംഗ്ളര് കമ്പനിക്ക് മുന് പരിചയം ഇല്ലാതിരുന്നിട്ടും കമ്പനിക്ക് ഡാറ്റാ അനാലിസിസിന് അനുമതി നല്കിയത് എന്തുകൊണ്ടാണെന്ന് മുഖ്യമന്ത്രി വ്യക്തമാക്കണമെന്ന് പി. ടി തോമസ് എംല്എ പറഞ്ഞു. ലാവലിന് കമ്പനിയുടെ കണ്സള്ട്ടന്സി കരാര് സപ്ലൈ കരാര് ആക്കിയതിന് സമാനമാണ് ഈ നീക്കവും. ആരില് നിന്നും അനുമതി വാങ്ങിയിട്ടില്ലെന്നും ആരാണ് കമ്പനിയെ പരിചയപ്പെടുത്തിയതെന്ന് മുഖ്യമന്ത്രി വ്യക്തമാക്കണമെന്നും അദ്ദേഹം ആവശ്യപ്പെട്ടു.
കമ്പനിക്കെതിരെ ന്യൂയോര്ക്കില് കോടിക്കണക്കിനു രൂപയുടെ മോഷണക്കേസുണ്ട്. ജീവനക്കാര് തന്നെ പരാതി വെബ്സൈറ്റില് രേഖപ്പെടുത്തിട്ടുണ്ട്. ഏപ്രില് രണ്ടിനാണ് കരാര് ഒപ്പിട്ടത്. എന്നാല് മാര്ച്ച് 27 നു തന്നെ വിവരങ്ങള് കൈമാറാന് ഉത്തരവിറങ്ങി. ആരുടെ താല്പര്യം സംരക്ഷിക്കാനാണ് ഇതെന്ന് വ്യക്തമാക്കണമെന്നും പിണറായി വിജയന് എന്ന പേര് പി ആര് വിജയന് എന്നാക്കണമെന്നും പി. ടി തോമസ് പരിഹസിച്ചു.