കണ്ണൂ‍ര്‍ വിമാനത്താവളത്തില്‍ വീണ്ടും സ്വര്‍ണ വേട്ട ; മൂന്ന് കാസര്‍​ഗോഡ് സ്വദേശികള്‍ പിടിയില്‍

കണ്ണൂര്‍: ‌കണ്ണൂ‍ര്‍ വിമാനത്താവളത്തില്‍ വീണ്ടും സ്വര്‍ണ വേട്ട. മൂന്ന് യാത്രക്കാരില്‍ നിന്ന് സ്വര്‍ണവും ഇലക്‌ട്രോണിക് ഉപകരണങ്ങളും കസ്റ്റംസ് പിടികൂടി. കാസ‍ര്‍​ഗോഡ് സ്വദേശി സെയ്ദ് ചെമ്പരിക്കയില്‍ നിന്ന് 116 ഗ്രാം സ്വര്‍ണവും ഇബ്രാഹിം ബാദ്ഷായില്‍ നിന്ന് 16 ലക്ഷം വിലമതിക്കുന്ന 312 ഗ്രാം സ്വര്‍ണവും  പിടിച്ചെടുത്തു. ഇരുവരും ദുബായില്‍ നിന്നെത്തിയവരാണ്. ഷാര്‍ജയില്‍ നിന്നെത്തിയ കാസര്‍​ഗോഡ് സ്വദേശി അബ്ദുള്‍ ബാസിത്തില്‍ നിന്ന് 360 ഗ്രാം സ്വര്‍ണവും, ആറ് ഡ്രോണും, 92,500 രൂപയുടെ സിഗരറ്റും കണ്ടെത്തുകയുണ്ടായി.