Friday, May 31, 2024 2:21 am

സ്പീക്കര്‍ സര്‍ക്കാരിന്‍റെ ഒരു പാവമാത്രമാണെന്ന് രമേശ് ചെന്നിത്തല

For full experience, Download our mobile application:
Get it on Google Play

തിരുവനന്തപുരം: സംരക്ഷിക്കാന്‍ ഒരു മുഖ്യമന്ത്രിയും ഭരണവും ഉണ്ടെന്ന ഹുങ്കാണ് എന്ത് കുറ്റവും ചെയ്യാന്‍ സി പി എമ്മുകാരെ പ്രേരിപ്പിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല . കണ്ണൂര്‍ മയ്യിലെ സി പി എമ്മിന്റെ കൊലവിളി പ്രകടനത്തിനെതിരെയുളള അടിയന്തരപ്രമേയത്തിന് അവതരണാനുമതി നിഷേധിച്ചതിനെത്തുടര്‍ന്ന് സഭവിട്ടിറങ്ങിയശേഷം മാദ്ധ്യമങ്ങളെ കാണുകയായിരുന്നു അദ്ദേഹം. ജനങ്ങളില്‍ ആശങ്കയും പരിഭ്രാന്തിയും സൃഷ്ടിക്കുകയാണ് സി പി എമ്മിന്റെ ലക്ഷ്യമെന്നും ചെന്നിത്തല പറഞ്ഞു.അനുമതി നിഷേധിച്ച സ്പീക്കറുടെ നടപടിയെയും അദ്ദേഹം വിമര്‍ശിച്ചു.

‘സ്പീക്കര്‍ സര്‍ക്കാരിന്റെ ഒരു പാവമാത്രമാണ്. സി പി എമ്മിനെതിരെ നോട്ടീസ് നല്‍കിയാല്‍ സ്പീക്കര്‍ അംഗീകരിക്കില്ല. സ്പീക്കര്‍ക്കെതിരായ പ്രമേയം ശരിവയ്ക്കുന്നതാണ് നിയസഭയിലെ അദ്ദേഹത്തിന്റെ നടപടി. പ്രാദേശിക പ്രശ്നം എന്നുപറഞ്ഞാണ് അദ്ദേഹം അടിയന്തരപ്രമേയത്തിന് അനുമതി നിഷേധിച്ചത്’- ചെന്നിത്തല പറഞ്ഞു.

കൊലവിളി മുദ്രാവാക്യത്തില്‍ അടിയന്തര പ്രമേയത്തിന് പ്രതിപക്ഷം നോട്ടീസ് നല്‍കിയിരുന്നു. എന്നാല്‍ പ്രശ്നം പ്രാദേശിക വിഷയമാണെന്നും സഭ നിറുത്തി ചര്‍ച്ച ചെയ്യേണ്ട വിഷയമല്ലെന്നും പറഞ്ഞ് സ്പീക്കര്‍ അടിയന്തര പ്രമേയത്തിന് അവതരണാനുമതി നിഷേധിക്കുകയായിരുന്നു. ഇതിന് പിന്നാലെ പ്രതിപക്ഷം നടുത്തളത്തില്‍ ഇറങ്ങി സ്പീക്കറുടെ ഡയസിന് മുന്നില്‍ പ്രതിഷേധിച്ചു.

തദ്ദേശ തിരഞ്ഞെടുപ്പ് ദിവസം യു ഡി എഫ് ബൂത്ത് ഏജന്റുമാരെ മര്‍ദ്ദിച്ച കേസിലെ പ്രതികള്‍ക്ക് മയ്യില്‍ ചെറുപഴശിയില്‍ നല്‍കിയ സ്വീകരണത്തിലാണ് സി പി എം പ്രവര്‍ത്തകര്‍ കൊലവിളി മുദ്രാവാക്യം മുഴക്കിയത്. ‘കൊല്ലേണ്ടവരെ കൊല്ലും ഞങ്ങള്‍, തല്ലേണ്ടവരെ തല്ലും ഞങ്ങള്‍, കൊന്നിട്ടുണ്ടീ പ്രസ്ഥാനം.കയ്യും കൊത്തി കാലും കൊത്തി, പച്ചക്കൊടിയില്‍ പൊതിഞ്ഞുകെട്ടി..’ എന്നിങ്ങനെ തുടരുന്നതായിരുന്നു മുദ്രാവാക്യം. സംഭവം വിവാദമായതോടെ വിശദീകരണവുമായി സി പി എം രംഗത്തെത്തി. മുദ്രാവാക്യങ്ങള്‍ പാര്‍ട്ടി നയത്തിന് വിരുദ്ധമാണെന്നും ഇത്തരത്തിലുളള മുദ്രാവാക്യങ്ങള്‍ സി പി എം ഒരു തരത്തിലും അംഗീകരിക്കുന്നില്ലെന്നുമായിരുന്നു പാര്‍ട്ടിയുടെ വിശദീകരണം.

ncs-up
rajan-new
previous arrow
next arrow
Advertisment
shanthi--up
life-line
sam
WhatsAppImage2022-07-31at72836PM
previous arrow
next arrow

FEATURED

താറാവുകൾ കൂട്ടത്തോടെ ചത്തതോടെ പരിശോധന ; കോട്ടയം പായിപ്പാട് പഞ്ചായത്തിലും പക്ഷിപ്പനി സ്ഥിരീകരിച്ചു

0
കോട്ടയം: കോട്ടയം പായിപ്പാട് പഞ്ചായത്തിലെ ഒന്നാം വാർഡിൽ എട്ട്യാകരി പാടശേഖരത്തിൽ വളർത്തിയിരുന്ന...

തിരുവനന്തപുരത്ത് കുളിക്കാനിറങ്ങിയ കുട്ടികള്‍ കുളത്തില്‍ മുങ്ങി മരിച്ചു

0
തിരുവനന്തപുരം : വെള്ളായനിയില്‍ കുട്ടികള്‍ കുളത്തില്‍ മുങ്ങി മരിച്ചു. മുഹമ്മദ് ഇഹ്സാന്‍...

തിരുവനന്തപുരം വിമാനത്താവള പരിസരത്ത് ബലൂണുകൾക്കും പട്ടം പറത്തുന്നതിനും നിരോധനം

0
തിരുവനന്തപുരം : തിരുവനന്തപുരം വിമാനത്താവള പരിസരത്ത് ബലൂണുകൾ, പട്ടം എന്നിവ പറത്തുന്നത്...

ഈ മഴക്കാലത്ത് പകര്‍ച്ചവ്യാധികൾക്കെതിരെ അതീവ ജാഗ്രത വേണം, പ്രധാന ശ്രദ്ധ വേണ്ട കാര്യങ്ങളെ കുറിച്ച്...

0
തിരുവനന്തപുരം: മഴ ശക്തമായി തുടരുന്ന സാഹചര്യത്തില്‍ പകര്‍ച്ച വ്യാധികള്‍ക്കെതിരെ അതീവ ജാഗ്രതയോടെ...