മല്‍സ്യതൊഴിലാളികള്‍ക്കൊപ്പം കടല്‍യാത്ര ചെയ്ത് രാഹുല്‍ ; ഒരു മണിക്കൂറോളം കടലിൽ‌

കൊല്ലം : മല്‍സ്യത്തൊഴിലാളികള്‍ക്കൊപ്പം കടല്‍യാത്ര ചെയ്ത് മുൻ കോൺഗ്രസ് അധ്യക്ഷൻ രാഹുല്‍ ഗാന്ധി. കൊല്ലം വാടി തുറമുഖത്തുനിന്ന് പുലര്‍ച്ചെ പുറപ്പെട്ടു. ഒരു മണിക്കൂറോളം കടലില്‍ ചെലവിട്ട് മടങ്ങിയെത്തി. മൽസ്യത്തൊഴിലാളികളുമായി നടത്തുന്ന സംവാദപരിപാടിക്ക് മുൻപ് അവർ അഭിമുഖീകരിക്കുന്ന പ്രശ്നങ്ങൾ നേരിട്ട് മനസിലാക്കുന്നതിനാണ് രാഹുൽ കടലിലേക്ക് യാത്ര ചെയ്തത്. പുലർച്ചെ 5.15 ഓടെയാണ് രാഹുൽ കടലിലേക്ക് പുറപ്പെട്ടത്. കെ.സി.വേണുഗോപാൽ ഉൾപ്പെടെയുള്ളവർ ഒപ്പമുണ്ടായിരുന്നു.