പത്തനംതിട്ട : കോവിഡ് ബാധിച്ച്‌ ചികിത്സയിലായിരുന്ന പത്തനംതിട്ട സ്വദേശി ബഹ്റൈനില്‍ നിര്യാതനായി. കോന്നി തെങ്ങുംകാവ് സ്വദേശി ജേക്കബ് തോമസ് (56) ആണ് മരിച്ചത്. ബി.ഡി.എഫ് ഹോസ്പിറ്റലില്‍ ചികിത്സയിലായിരുന്നു.
അരാദി കണ്‍സ്ട്രക്ഷന്‍ കമ്പനിയില്‍ അക്കൗണ്ടന്റായ ഇദ്ദേഹം 30 വര്‍ഷത്തെ പ്രവാസ ജീവിതത്തിനുശേഷം അടുത്ത മാസം നാട്ടില്‍ പോകാനിരുന്നതാണ്. ഭാര്യ – ജോയിസ് ജേക്കബ് (നഴ്സ്, സല്‍മാനിയ ഹോസ്പിറ്റല്‍). മക്കള്‍ – എഫ്രയീം, ജെറമി. സംസ്കാരവുമായി ബന്ധപ്പെട്ട നിയമപരമായ കാര്യങ്ങള്‍ ബഹ്റൈന്‍ കേരള സോഷ്യല്‍ ഫോറത്തിന്റെ നേതൃത്വത്തില്‍ നടന്നുവരുന്നു.
