മലപ്പുറം : വയോധികയെ വീട്ടില് ദുരൂഹ സാഹചര്യത്തില് മരിച്ച നിലയില് കണ്ടെത്തി. മക്കരപ്പറമ്പ് രാമപുരം പടിയില് ഒറ്റക്ക് താമസിക്കുന്ന മുട്ടത്തില് ആഇശ (70)യെയാണ് മരിച്ച നിലയില് കണ്ടെത്തിയത്. പകല് സ്വന്തം വീട്ടില് കഴിയുന്ന ആഇശ രാത്രിയാകുമ്പോള് മകന്റെ വീട്ടിലേക്ക് പോവുകയാണ് പതിവ്.
പേരക്കുട്ടികള് എത്തിയാണ് ആഇശയെ കൂട്ടിക്കൊണ്ടുപോകാറുള്ളത്. കഴിഞ്ഞ ദിവസവും രാത്രി 9.15 മണിയോടെ പേരക്കുട്ടികളെത്തിയെങ്കിലും വീട്ടില് നിന്നും പ്രതികരണം ഉണ്ടായില്ല. തുടര്ന്ന് അകത്തുകയറി നോക്കിയപ്പോഴാണ് ബാത് റൂമില് രക്തം വാര്ന്ന നിലയില് കണ്ടെത്തിയത്. മരണത്തില് ബന്ധുക്കള് സംശയം പ്രകടിപ്പിച്ചതിനാല് പോലീസ് എത്തി അന്വേഷണം ആരംഭിച്ചു.