ന്യൂഡല്‍ഹി : കൊവിഷീല്‍ഡിനു പുറമേ സിറം ഇന്‍സ്റ്റിറ്റ്യൂട്ടിന്റെ മറ്റൊരു കൊവിഡ് വാക്‌സിനായ കൊവോവാക്‌സ് ഒക്ടോബറില്‍ പുറത്തിറക്കാനാകുമെന്ന് സി.ഇ.ഒ അദാര്‍ പൂനെവാല. ഇന്നലെ ഡല്‍ഹിയില്‍ ആഭ്യന്തര മന്ത്രി അമിത് ഷായുമായി നടത്തിയ കൂടിക്കാഴ്ചയ്ക്കു ശേഷം സംസാരിക്കുകയായിരുന്നു അദ്ദേഹം.
18 വയസിനു മുകളില്‍ പ്രായമുള്ളവര്‍ക്കുള്ള വാക്‌സിന്‍ ഈ വര്‍ഷം ഒക്ടോബറോടെയും കുട്ടികള്‍ക്കുള്ളത് അടുത്ത വര്‍ഷം ആദ്യ പാദത്തിലും പുറത്തിറക്കാനാകുമെന്ന് അദ്ദേഹം വിശദീകരിച്ചു. കൊവോവാക്‌സ് രണ്ടു ഡോസ് വാക്‌സീന്‍ ആയിരിക്കുമെന്നും പുറത്തിറക്കുന്ന സമയത്ത് വില തീരുമാനിക്കുമെന്നും അദ്ദേഹം അറിയിച്ചു. കൊവിഷീല്‍ഡ് വാക്‌സിന്റെ ഉല്‍പാദനം വര്‍ധിപ്പിക്കുമെന്നും അദാര്‍ പൂനെവാല വ്യക്തമാക്കി. കൊവിഡിനെതിരെ 90 ശതമാനത്തിലധികമാണ് കൊവോവാക്‌സ് ഫലപ്രാപ്തി തെളിയിച്ചിട്ടുള്ളതെന്നാണ് റിപ്പോര്‍ട്ടുകള്‍.
