72000 രൂപ വിലവരുന്ന 10 മൊബൈലുകൾ മോഷ്ടിച്ച കള്ളനെ നാട്ടുകാർ പിടികൂടി പോലീസിലേൽപ്പിച്ചു

കൽപ്പറ്റ : വയനാട് പടിഞ്ഞാറത്തറയിലെ മൊബൈൽ ഫോൺ കടയിൽ നിന്ന്  72000 രൂപ വിലവരുന്ന 10 മൊബൈലുകൾ മോഷ്ടിച്ച കള്ളനെ നാട്ടുകാർ പിടികൂടി. ആലക്കോട് സ്വദേശി തങ്കച്ചനെയാണ് നാട്ടുകാർ‍ തൊണ്ടി സഹിതം പിടികൂടി പോലീസിലേൽപ്പിച്ചത്. മോഷണത്തിന് ശേഷം രക്ഷപ്പെടാൻ ശ്രമിച്ച പ്രതി നാട്ടുകാരുടെ കയ്യിൽപെടുകയായിരുന്നു. പ്രതി തങ്കച്ചനെ കോടതിയിൽ ഹാജരാക്കി റിമാൻഡ്ചെയ്തു.