തൊടുപുഴ : അഞ്ചിരി കുട്ടപ്പന്‍ കവലയിലെ അടച്ചിട്ട വീട്ടില്‍നിന്ന് ഏഴര കിലോ കഞ്ചാവ് പിടികൂടി. തെക്കുംഭാഗം പറയാനാനിക്കല്‍ അനൂപ് കേശവന്‍ (37) വാടകക്ക് താമസിക്കുന്ന വീട്ടില്‍നിന്നാണ് വ്യാഴാഴ്ച വൈകീട്ട് ആറോടെ കഞ്ചാവ് കണ്ടെത്തിയത്.
പോലീസ് നടത്തിയ പരിശോധനയില്‍ 22 ഡിറ്റണേറ്ററും ഉണക്കയിറച്ചിയും വാറ്റുപകരണങ്ങളും വീട്ടില്‍നിന്ന് കണ്ടെടുത്തു. കഞ്ചാവിന്റെ മൊത്തക്കച്ചവടക്കാരനായ ഇയാളെ തിരയുകയാണെന്ന് തൊടുപുഴ പോലീസ് പറഞ്ഞു.
