അപകട ഭീഷണ ഉയർത്തുന്ന മരം മുറിച്ച് മാറ്റണമെന്ന് എ.ഐ.വൈ.എഫ്

അടൂർ : കെ.പി റോഡിൽ അപകടകരമായി നിൽക്കുന്ന മരങ്ങൾ മുറിച്ച് മാറ്റണമെന്ന് ആവശ്യപ്പെട്ട് എ.ഐ.വൈ.എഫ് പെരിങ്ങനാട് മേഖല കമ്മറ്റിയുടെ നേതൃത്വത്തിൽ പൊതുമരാമത്ത് വകുപ്പ് റോഡ് വിഭാഗം എക്സിക്യൂട്ടീവ് എഞ്ചിനീയർക്ക് പരാതി നൽകി. എ.ഐ.വൈ.എഫ് മണ്ഡലം പ്രസിഡൻ്റ് ബൈജു മുണ്ടപ്പള്ളി, ജില്ലാ കമ്മറ്റിയംഗം എം.മനു, പെരിങ്ങനാട് മേഖല പ്രസിഡന്റ് അശ്വിൻ ബാലാജി, മണ്ഡലം എക്സിക്യൂട്ടീവ് മഹേഷ് മുരളി എന്നിവർ മേഖല കമ്മറ്റിയ്ക്കുവേണ്ടി പരാതി കൈമാറി.