പത്തനംതിട്ട നഗരസഭയിൽ എലിപ്പനി പ്രതിരോധ ക്യാമ്പന്‍ അഡ്വ.ടി.സക്കീർ ഹുസൈൻ ഉദ്ഘാടനം ചെയ്തു

പത്തനംതിട്ട : നഗരസഭയിൽ എലിപ്പനി പ്രതിരോധ ക്യാമ്പയിന്റെ ഉദ്ഘാടനം നഗരസഭയിലെ ശുചീകരണ വിഭാഗം തൊഴിലാളികൾക്ക് പ്രതിരോധ മരുന്നുകൾ വിതരണം ചെയ്തുകൊണ്ട് നഗരസഭാ ചെയർമാൻ അഡ്വ.ടി.സക്കീർ ഹുസൈൻ നിർവഹിച്ചു. പ്രതിരോധ പ്രവർത്തനങ്ങളുടെ രണ്ടാംഘട്ടമായി 32 വാർഡുകളിലെയും തൊഴിലുറപ്പ് തൊഴിലാളികൾ, ക്ഷീരകർഷകർ തുടങ്ങിയവർക്ക് പ്രതിരോധ മരുന്നുകൾ വിതരണം ചെയ്യും. ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാൻ ജെറി അലക്സിന്റെ അധ്യക്ഷതയിൽ ചേർന്ന യോഗത്തിൽ കൗൺസിൽ അംഗങ്ങളായ എം.സി ഷെറീഫ്, സി.കെ അർജ്ജുനൻ, ഹെൽത്ത് സൂപ്പർ ബാബു കുമാർ.എ, പബ്ലിക് ഹെൽത്ത് നഴ്സ് ഗീതാകുമാരി എന്നിവർ ആശംസകൾ അറിയിച്ചു.