സ്റ്റുഡിയോ ഉടമയുടെ മരണം കൊലപാതകം ; മൂന്ന് പേരെ പോലീസ് അറസ്റ്റ് ചെയ്തു

കോതമംഗലം : സ്റ്റുഡിയോ ഉടമയുടെ മരണം കൊലപാതകം. സംഭവത്തില്‍ മൂന്ന് പേരെ  പോലീസ് അറസ്റ്റ് ചെയ്തു. പിണ്ടിമന സ്വദേശി പുത്തന്‍പുരക്കല്‍ എല്‍ദോ ജോയി ഇയാളുടെ പിതാവ് ജോയി, മാതാവ് മോളി എന്നിവരാണ് അറസ്റ്റിലായത്. മരിച്ച എല്‍ദോസ് പോളും പ്രതി എല്‍ദോ ജോയിയും തമ്മില്‍ സാമ്പത്തിക ഇടപാടുകളുണ്ടായിരുന്നു. ഇത് സംബന്ധിച്ച തര്‍ക്കമാണ് കൊലപാതകത്തില്‍ കലാശിച്ചതെന്നാണ് കണ്ടെത്തല്‍. കേസിലെ മുഖ്യ പ്രതി എല്‍ദോ ജോയ് യൂത്ത് കോണ്‍ഗ്രസ് നേതാവാണ്. യൂത്ത് കോണ്‍ഗ്രസ് പിണ്ടിമന മണ്ഡലം സെക്രട്ടറിയാണ് എല്‍ദോ.