കണ്ണൂര് : പേരാവൂര് ഹൗസ് ബില്ഡിംഗ് സൊസൈറ്റിയിലെ ചിട്ടി തട്ടിപ്പില് സി.പി.എം കണ്ണൂര് ജില്ലാ സെക്രട്ടറി എം.വി ജയരാജന് സമരക്കാരുടെ പ്രതിനിധികളുമായി സംസാരിക്കും. ഇതിനിടെ പണം നഷ്ടപ്പെട്ടവരെ ചര്ച്ചയ്ക്ക് സി.പി.എം വിളിച്ചിട്ടുണ്ട്. ഇന്ന് ഉച്ചയ്ക്ക് ഒരു മണിക്ക് കണ്ണൂരിലെത്താനാണ് നിര്ദ്ദേശം. മറ്റന്നാള് ലോക്കല് സെക്രട്ടറിയുടെ വീട്ടിലേക്ക് മാര്ച്ച് പ്രഖ്യാപിച്ച സാഹചര്യത്തിലാണ് സി.പി.എം ചര്ച്ച ഒരുങ്ങിയത്.
അതേസമയം, സൊസൈറ്റി പ്രവര്ത്തനത്തില് വ്യാപക ക്രമക്കേടുകള് നടന്നെന്നാണ് കണ്ടെത്തല്. ചിട്ടിക്ക് പുറമെ ലതര് ബാഗ് നിര്മ്മാണ യൂണിറ്റിലും തിരിമറി നടന്നുവെന്ന് അന്വേഷണ സംഘം കണ്ടെത്തി. മതിയായ ഈടില്ലാതെ വായ്പകള് നല്കിയതും സൊസൈറ്റിക്ക് ബാധ്യതയായി. എല്ലാ പ്രവര്ത്തനവും ഭരണ സമിതി അറിവോടെയായിരുന്നു എന്നാണ് സെക്രട്ടറിയുടെ മൊഴി.