ജിദ്ദ : ഇന്ത്യയിൽ നിന്നു രണ്ടു ഡോസ് വാക്സീൻ എടുത്തവർക്കും സൗദിയിൽ ക്വാറന്റീൻ നിർബന്ധം. ഇന്ത്യ അടക്കമുള്ള ആറു രാജ്യങ്ങളിൽ നിന്നു ഡിസംബർ ഒന്നു മുതൽ സൗദിയിലേയ്ക്ക് നേരിട്ട് വിമാന സർവീസ് ആരംഭിക്കുമെങ്കിലും ഇന്ത്യയിൽ നിന്ന് വാക്സിൻ എടുത്തവർക്കും എടുക്കാത്തവർക്കും ഇൻസ്റ്റിറ്റ്യൂഷനൽ ക്വാറന്റീൻ ആവശ്യമാണ്.
എന്നാൽ സൗദിയിൽ നിന്നു രണ്ടു കോവിഡ് വാക്സീൻ പൂർത്തിയാക്കിയവർക്ക് ക്വാറന്റീൻ ആവിശ്യമില്ല. ഇന്ത്യക്കു പുറമെ പാക്കിസ്ഥാൻ, ബ്രസീൽ, വിയറ്റ്നാം, ഈജിപ്ത്, ഇന്തൊനീഷ്യ എന്നീ രാജ്യങ്ങളിൽ നിന്നുമാണു നേരിട്ട് സർവിസ്. ഡിസംബർ ഒന്നു പുലർച്ചെ ഒന്നു മുതൽ ഈ രാജ്യങ്ങളിൽ നിന്നു സൗദിയിലേയ്ക്ക് നേരിട്ടു പ്രവേശനം അനുവദിക്കും. ഇവർക്ക് ഇനി മുതൽ മറ്റു രാജ്യങ്ങളിൽ 14 ദിവസത്തെ ക്വാറന്റീൻ ആവശ്യമില്ല.