കോട്ടയം : എം.ജി. സർവകലാശാല സെന്റർ ഫോർ ഓൺലൈൻ എജ്യുക്കേഷൻ/ഡയറക്ടറേറ്റ് ഓഫ് അപ്ലൈഡ് ഷോർട്ട് ടേം പ്രോഗ്രാംസിൽ അസിസ്റ്റന്റ് ഡയറക്ടറുടെ ഒരൊഴിവുണ്ട്. കരാറടിസ്ഥാനത്തിലാണ് നിയമനം. പൊതുവിഭാഗത്തിൽപ്പെട്ടവർക്ക് അപേക്ഷിക്കാം. എം.ടെക്., എം.സി.എ., എം.എസ്.സി. (കമ്പ്യൂട്ടർ സയൻസ്) യോഗ്യതയും പി.എച്ച്.ഡി. ബിരുദവും ഉള്ളവർക്ക് അപേക്ഷിക്കാം. ഗവേഷണം പൂർത്തിയാക്കി പ്രബന്ധം സമർപ്പിച്ചിട്ടുള്ളവരെയും പരിഗണിക്കും.
പ്രായം 2021 ജനുവരി ഒന്നിന് 45 കവിയരുത്. നിയമാനുസൃത വയസ്സിളവ് അനുവദിക്കും. അപേക്ഷകൾ നിശ്ചിതഫോറത്തിൽ [email protected] എന്ന ഇ-മെയിൽ വിലാസത്തിൽ ഡിസംബർ 27-ന് വൈകീട്ട് അഞ്ചുവരെ സ്വീകരിക്കും. അപേക്ഷാഫോറവും വിശദാംശങ്ങളും www.mgu.ac.in എന്ന വെബ്സൈറ്റിൽ ലഭിക്കും.