നാഥനില്ലാത്ത റാന്നി വില്ലേജ് ; വലഞ്ഞ് പൊതുജനം

റാന്നി : വില്ലേജ് ഓഫീസറില്ലാത്തതു മൂലം വലഞ്ഞ് പൊതുജനം. റാന്നി വില്ലേജ് ഓഫീസിനാണ് നാഥനില്ലാത്ത അവസ്ഥ. ഇതുമൂലം നിരവധി ആവശ്യങ്ങള്‍ക്കെത്തുന്ന പൊതുജനം വലയുകയാണ്. ഇവിടുത്തെ വില്ലേജ് ഓഫീസറെ ഇടുക്കിയിലെ പട്ടയ സംബന്ധമായ ചുമതലയിലേക്ക് മാറ്റിയതാണ് പ്രതിസന്ധിക്കിടയാക്കിയത്. ഇദ്ദേഹം ചുമതല ഒഴിഞ്ഞു വരുന്നതു വരെ റാന്നി പോലൊരു സ്ഥലത്ത് വില്ലേജ് ഓഫീസര്‍ ഇല്ലാതായാല്‍ പൊതുജനത്തിന് ബുദ്ധിമുട്ടാകും. അതിനാല്‍ പകരം വില്ലേജ് ഓഫീസറെ അടിയന്തരമായി നിയമിക്കണമെന്ന് നാട്ടുകാര്‍ ആവശ്യപ്പെട്ടു.