കേന്ദ്ര വനിത – ശിശുക്ഷേമ മന്ത്രി സ്മൃതി ഇറാനി മേയ് മൂന്നിന് വയനാട് സന്ദര്‍ശിക്കും

കല്‍പറ്റ : കേന്ദ്ര വനിത – ശിശുക്ഷേമ മന്ത്രി സ്മൃതി ഇറാനി മേയ് മൂന്നിന് വയനാട് സന്ദര്‍ശിക്കും. രാവിലെ 10ന് കളക്ടറേറ്റ് മിനി കോണ്‍ഫറന്‍സ് ഹാളില്‍ നടക്കുന്ന ആസ്പിരേഷനല്‍ ജില്ല അവലോകന യോഗത്തില്‍ പങ്കെടുക്കും. ഉച്ച 12ന് കല്‍പറ്റ മുനിസിപ്പാലിറ്റിയിലെ മരവയല്‍ ട്രൈബല്‍ സെറ്റില്‍മെന്റ് കോളനി സന്ദര്‍ശിച്ചശേഷം ഒന്നാം വാര്‍ഡിലെ പൊന്നട അംഗന്‍വാടി സന്ദര്‍ശിക്കും. ഉച്ചക്ക്‌ ഒരുമണിയോടെ കണിയാമ്പറ്റ ഗ്രാമപഞ്ചായത്തില്‍ സി.എസ്.ആര്‍ ഫണ്ട് ഉപയോഗിച്ച്‌ നിര്‍മിച്ച വരദൂര്‍ സ്മാര്‍ട്ട് അംഗന്‍വാടി സന്ദര്‍ശിക്കും. 3.40ന് കല്‍പറ്റ പി.ഡബ്ല്യൂ.ഡി റെസ്റ്റ് ഹൗസ് കോണ്‍ഫറന്‍സ് ഹാളില്‍ മാധ്യമങ്ങളെ കാണും. 4.40ന് വയനാട് സന്ദര്‍ശനം പൂര്‍ത്തീകരിച്ച്‌ കോഴിക്കോട് വിമാനത്താവളത്തിലേക്ക് തിരിക്കും.