രാമചന്ദ്രൻ പിള്ളക്ക് ഇനി ഗാന്ധി ഭവൻ തണലേകും

പത്തനംതിട്ട : വർഷങ്ങളായി പത്തനംതിട്ട ചന്തയിൽ കടത്തിണ്ണയിൽ കിടന്നിരുന്ന രാമചന്ദ്രൻ പിള്ളക്ക് ഇനി ആശ്രയം പത്തനാപുരം ഗാന്ധിഭവനിൽ. പരാശ്രയമില്ലാതെ വെയിലത്തും മഴയിലും കിടന്നിരുന്ന ഇദ്ദേഹത്തെ യൂത്ത് കോൺഗ്രസ് സംസ്ഥാന നിർവ്വാഹക സമിതി അംഗം നഹാസ് പത്തനംതിട്ടയാണ് കണ്ടെത്തിയത്. തുടർന്ന് പത്തനംതിട്ട എം പി ആൻ്റോ ആൻ്റണിയെ വിവരം അറിയിക്കുകയും അദ്ദേഹം നടത്തിയ ഇടപെടൽ ഫലം കാണുകയും ചെയ്തു. നഗരസഭ പ്രതിപക്ഷ നേതാവ് കെ ജാസിംകുട്ടി, ജിബിൻ ചിറക്കടവിൽ, മുഹമ്മദ് റോഷൻ, രാജീവ് പാലസ്, റഷീദ് മേപ്പുറത്ത്, എന്നിവർ മുൻകൈ എടുത്താണ് ഇദ്ദേഹത്തെ ഗാന്ധി ഭവനിൽ എത്തിച്ചത്. ശാരീരിക ബുദ്ധിമുട്ട് ഉള്ള വ്യക്തിയാണ് ഇദ്ദേഹം.