സമൂഹ മാധ്യമങ്ങളിലൂടെ പ്രവാചക നിന്ദ നടത്തിയ സിപിഐഎം നേതാവ് അറസ്റ്റിൽ

പാവറട്ടി: സമൂഹ മാധ്യമങ്ങളിലൂടെ പ്രവാചക നിന്ദ നടത്തിയ സിപിഐഎം നേതാവിനെ പാവറട്ടി പോലീസ് അറസ്റ്റ് ചെയ്തു. വെങ്കിടങ്ങ് പഞ്ചായത്ത് മുന്‍ സ്റ്റാന്‍ഡിങ് കമ്മിറ്റി ചെയര്‍മാനും സിപിഐഎം നേതാവുമായ പാടൂര്‍ ഇടിയഞ്ചിറ തോണി പുരക്കല്‍ സുരേന്ദ്രനാണ് അറസ്റ്റിലായത്.153 A പ്രകാരമാണ് പോലീസ്ഇയാളെ അറസ്റ്റ് ചെയ്തത്. ഇസ്ലാമിന്റെയും പ്രവാചകന്റെയും പേരില്‍ വിദ്വേഷം നിറഞ്ഞ മറ്റൊരാളുടെ ഫേസ്ബുക്ക് പോസ്റ്റ് ഇയാള്‍ ഷെയര്‍ ചെയ്തിരുന്നു. ഇതോടെ പോപുലര്‍ ഫ്രണ്ട് മുല്ലശ്ശേരി ഏരിയ കമ്മിറ്റി സുരേന്ദ്രനെതിരെ പോലീസില്‍ പരാതി നല്‍കി. ഇതേ തുടര്‍ന്ന് ഇന്നലെ രാത്രി സുരേന്ദ്രനെ പോലീസ് കസ്റ്റഡിയിലെടുത്തിരുന്നു. തുടര്‍ന്നാണ് അറസ്റ്റ് രേഖപ്പെടുത്തിയത്.