തിരുവനന്തപുരം : കെ.എസ്.ആര്.ടി.സി. ബസില് മൂന്നാറിന് ‘ഉല്ലാസയാത്ര’ പോകാന് ആശിച്ചെത്തിയവരെ നിരാശരാക്കി അധികൃതര്. ആനവണ്ടിക്ക് പകരം ഏര്പ്പെടുത്തിയത് സ്വകാര്യ ടൂറിസ്റ്റ് ബസ്. ഇതോടെ യാത്രക്കാര് ഇടഞ്ഞു. അധികൃതരുമായി തര്ക്കമായി. സ്വകാര്യ ടൂറിസ്റ്റ് ബസില് വിനോദയാത്ര പോകാന് കെ.എസ്.ആര്.ടി.സി.യുടെ സഹായം ആവശ്യമില്ലെന്നും കെ.എസ്.ആര്.ടി.സി. ബസ് തന്നെ വേണമെന്നും യാത്രക്കാര് ഉറച്ച നിലപാടെടുത്തു. സംസ്ഥാന വ്യാപകമായി ഇപ്പോള് ഉല്ലാസയാത്രയ്ക്കായി സ്വകാര്യ ടൂറിസ്റ്റ് ബസുകളാണ് ഏര്പ്പാടുക്കുന്നതെന്ന് കെ.എസ്.ആര്.ടി.സി. അധികൃതരും പിന്നില് ഉദ്യോഗസ്ഥരുടെ ഒത്തുകളി എന്ന് ആരോപണം.
ഇതോടെ തര്ക്കം രൂക്ഷമായി. പോലീസെത്തി ഇരുവിഭാഗവുമായി ചര്ച്ച നടത്തി. തുടര്ന്ന് കെ.എസ്.ആര്.ടി.സി. ബസ് തന്നെ ഉല്ലാസയാത്രയ്ക്കായി അനുവദിച്ച് പ്രശ്നം പരിഹരിക്കുകയായിരുന്നു. രാവിലെ 10-ന് പുറപ്പെടേണ്ടിയിരുന്ന വിനോദയാത്രാ സംഘം 11-ഓടെയാണ് പുറപ്പെട്ടത്. മലപ്പുറം ഡിപ്പോ തുടങ്ങിയ കെ.എസ്.ആര്.ടി.സി. ബസിലുള്ള മൂന്നാര് ഉല്ലാസയാത്ര ഏറെ ശ്രദ്ധ നേടിയിരുന്നു. കൂടുതല് ബുക്കിങ് ലഭിച്ചതോടെ ഉല്ലാസയാത്ര സര്വീസുകളുടെ എണ്ണവും കൂട്ടിയിരുന്നു.