കെല്ട്രോണ് തൊഴിലധിഷ്ഠിത കോഴ്സുകള്ക്ക് അപേക്ഷ ക്ഷണിച്ചു
കെല്ട്രോണിന്റെ മല്ലപ്പള്ളിയിലെ നോളജ് സെന്ററില് നടത്തുന്ന വിവിധ തൊഴിലധിഷ്ഠിത കോഴ്സുകളുടെ പുതിയ ബാച്ചിലേക്ക് പ്രവേശനം തുടരുന്നു. കേരള സര്ക്കാര് അംഗീകരിച്ച പിഎസ്സി നിയമനങ്ങള്ക്ക് യോഗ്യമായ പിജി ഡിപ്ലോമ ഇന് കമ്പ്യൂട്ടര് അപ്ലിക്കേഷന് (പിജിഡിസിഎ, ഒരു വര്ഷം), ഡിപ്ലോമ ഇന് കമ്പ്യൂട്ടര് ആപ്ലിക്കേഷന് (ഡിസിഎ, ആറു മാസം), വേഡ് പ്രോസസിംഗ് ആന്റ് ഡാറ്റാ എന്ട്രി (മൂന്ന് മാസം), കമ്പ്യൂട്ടറൈസ്ഡ് ഫിനാന്ഷ്യല് അക്കൗണ്ടിംഗ് (മൂന്ന് മാസം) എന്നീ കോഴ്സുകളിലേക്കും ഡിപ്ലോമ ഇന് ഇന്ത്യന് ആന്റ് ഫോറിന് അക്കൗണ്ടിംഗ്, അഡ്വാന്സ്ഡ് ഗ്രാഫിക് ഡിസൈനിംഗ് എന്നീ കോഴ്സുകളിലേക്കും പ്രവേശനം തുടരുന്നു. അഡ്മിഷനായി 0469 2785525, 8078140525 എന്ന നമ്പറിലോ, ഹെഡ് ഓഫ് സെന്റര്, കെല്ട്രോണ് നോളജ് സെന്റര്, കണിയാപുരയിടം ബില്ഡിംഗ്, കോട്ടയം റോഡ്, മല്ലപ്പള്ളി എന്ന വിലാസത്തിലോ ബന്ധപ്പെടണം.
ജില്ലാ ആസൂത്രണ സമിതി യോഗം നാളെ (ജൂലൈ 1)
കാട്ടുപന്നി പ്രതിരോധ പ്രവര്ത്തനം വിലയിരുത്തും
കാട്ടുപന്നി പ്രതിരോധ പ്രവര്ത്തനങ്ങളില് ജില്ലയിലെ തദ്ദേശ ഭരണ സ്ഥാപനങ്ങളില് സ്വീകരിച്ച നടപടികള് വിലയിരുത്തുന്നതിനും പതിനാലാം പഞ്ചവത്സര പദ്ധതിയുടെ ഭാഗമായി 2022-23 വാര്ഷിക പദ്ധതിയിലുള്പ്പെടുത്തി ജില്ലയിലെ ദ്ദേശ സ്വയം ഭരണസ്ഥാപനങ്ങള് ഏറ്റെടുക്കേണ്ടതായ സംയുക്ത പദ്ധതികള് സംബന്ധിച്ച് തിരുമാനമെടുക്കുന്നതിനും മറ്റു ജില്ലാതല മുന്ഗണനാ പ്രോജക്ടുകള് ചര്ച്ച ചെയ്യുന്നതിനുമായി ജില്ലാ ആസൂത്രണ സമിതിയുടെ ആഭിമുഖ്യത്തില് ജൂണ് 29ന് നടത്താന് നിശ്ചയിച്ചിരുന്ന യോഗം നാളെ (ജൂലൈ 1) വൈകിട്ട് മൂന്നുമണിക്ക് കളക്ടറേറ്റ് കോണ്ഫറന്സ് ഹാളില് ചേരും. യോഗത്തില് ജില്ലാ ആസൂത്രണ സമിതി അംഗങ്ങള്, തദ്ദേശഭരണ സ്ഥാപന അധ്യക്ഷന്മാര്, ജില്ലാതല ഉദ്യോഗസ്ഥര് എന്നിവര് പങ്കെടുക്കും.
കോന്നി താലൂക്ക് വികസന സമിതി യോഗം ജൂലൈ രണ്ടിന്
കോന്നി താലൂക്ക് വികസന സമിതിയുടെ യോഗം ജൂലൈ രണ്ടിന് രാവിലെ 11ന് കോന്നി താലൂക്കാഫീസില് ചേരും. താലൂക്ക്തല ഉദ്യോഗസ്ഥര്, താലൂക്ക് പരിധിയില് വരുന്ന ജില്ലാപഞ്ചായത്ത് അംഗങ്ങള്, ബ്ളോക്ക്- ഗ്രാമപഞ്ചായത്ത് പ്രസിഡന്റുമാര്, നിയമസഭയില് പ്രാതിനിധ്യമുളള രാഷ്ട്രീയ പാര്ട്ടികളുടെ പ്രതിനിധികള്, താലൂക്ക്തലങ്ങളില് ഉദ്യോഗസ്ഥരില്ലാത്ത വകുപ്പുകളിലെ ജില്ലാതല ഉദ്യോഗസ്ഥര്, വൈദ്യുതി ബോര്ഡ്, വാട്ടര് അതോറിറ്റി, കെ.എസ്.ആര്.ടി.സി എന്നീ പൊതുമേഖലാ സ്ഥാപനങ്ങളുടെ ജില്ലാതല ഉദ്യോഗസ്ഥര് എന്നിവര് യോഗത്തില് പങ്കെടുക്കണമെന്ന് താലൂക്ക് വികസന സമിതി കോന്നി തഹസീല്ദാര് ആന്റ് കണ്വീനര് അറിയിച്ചു.
കോഴഞ്ചേരി താലൂക്ക് വികസന സമിതി യോഗം ജൂലൈ രണ്ടിന്
കോഴഞ്ചേരി താലൂക്ക് വികസന സമിതിയുടെ യോഗം ജൂലൈ രണ്ടിന് രാവിലെ 11ന് തൈക്കാവ് ഗവ.എച്ച്.എസ് ഓഡിറ്റോറിയത്തില് ചേരും. നിയമസഭയില് പ്രാതിനിധ്യമുളള രാഷ്ട്രീയ പാര്ട്ടികളുടെ പ്രതിനിധികള്, താലൂക്ക്തല ഉദ്യോഗസ്ഥര്, എല്ലാ പഞ്ചായത്ത് പ്രസിഡന്റുമാരും ഹാജരാകണമെന്ന് താലൂക്ക് വികസന സമിതി കോഴഞ്ചേരി തഹസീല്ദാര് ആന്റ് കണ്വീനര് അറിയിച്ചു.
ഹോസ്പിറ്റല് ഇന്ഫെക്ഷന് കണ്ട്രോള് സര്ട്ടിഫിക്കറ്റ് പ്രോഗ്രാം
സ്റ്റേറ്റ് റിസോഴ്സ് സെന്റര് കേരളയുടെ കീഴില് പ്രവര്ത്തിക്കുന്ന എസ്ആര്സി കമ്മ്യൂണിറ്റി കോളേജ് ഹോസ്പിറ്റല് ഇന്ഫെക്ഷന് കണ്ട്രോള് ഓണ്ലൈന് സര്ട്ടിഫിക്കറ്റ് പ്രോഗ്രാമിലേക്ക് അപേക്ഷ ക്ഷണിച്ചു. പ്രോഗ്രാമില് പങ്കെടുക്കാന് താല്പര്യമുള്ള മെഡിക്കല്, നഴ്സിംഗ്, പാരാമെഡിക്കല്, അഡ്മിനിസ്ട്രേറ്റീവ് കോഴ്സുകളില് ഡിപ്ലോമ/ഡിഗ്രി ഉള്ളവര്ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ജൂലൈ 15. വിശദവിവരങ്ങള്ക്ക് 9048110031/ 8281114464, www.srccc.in എന്ന വെബ്സൈറ്റോ സന്ദര്ശിക്കുക.
വനിതകള്ക്ക് സ്വയം തൊഴില്വായ്പ
പത്തനംതിട്ട ജില്ലയിലെ സ്ഥിരതാമസക്കാരായ പട്ടികജാതി, പട്ടിക വര്ഗ, ന്യൂനപക്ഷ വിഭാഗത്തില്പെട്ട വനിതകള്ക്ക് കേരള സംസ്ഥാന വനിതാ വികസന കോര്പറേഷന് 30 ലക്ഷം രൂപവരെ കുറഞ്ഞ പലിശ നിരക്കില് സ്വയം തൊഴില് വായ്പ നല്കുന്നു. 18 നും 55 നും ഇടയില് പ്രായമുളള തൊഴില് രഹിതരായ വനിതകള്ക്ക് സ്വയം തൊഴില് ചെയ്യുന്നതിന് വസ്തു/ഉദ്യോഗസ്ഥ ജാമ്യ വ്യവസ്ഥയില് ആറ് ശതമാനം പലിശ നിരക്കില് വായ്പ അനുവദിക്കുന്നു. ംംം.സംെറര.ീൃഴ എന്ന വെബ്സൈറ്റില് നിന്നും ലഭിക്കുന്ന അപേക്ഷ ഫോം പൂരിപ്പിച്ച് ആവശ്യമായ രേഖകളോടെ പത്തനംതിട്ട ജില്ലാ ഓഫീസില് നേരിട്ടോ ഡിസ്ട്രിക്ട് കോ-ഓര്ഡിനേറ്റര്, ജില്ലാ ഓഫീസ്, പണിക്കന്റത്ത് ബില്ഡിംഗ്, രണ്ടാം നില, സ്റ്റേഡിയം ജംഗ്ഷന്, പത്തനംതിട്ട എന്ന മേല്വിലാസത്തില് അയക്കണം. ഫോണ് : 8281552350.