പത്തനാപുരം: കൊല്ലം പട്ടാഴി പനയനത്ത് മുള്ളന്പന്നിയെ അവശനിലയില് കണ്ടെത്തി. പനയനം അടയ്ക്കാമരകുഴി കിഴക്കേതില് ചെല്ലപ്പന് വീട്ടുപുരയിടത്തിലാണ് രാവിലെയോടെ മുള്ളന്പന്നിയെ കണ്ടത്. ശരീരമാസകലം മുറിവേറ്റ അനങ്ങാന് പോലും പറ്റാത്ത അവസ്ഥയിലായിരുന്നു മുള്ളന്പന്നി. പ്രദേശവാസികള് സമീപിക്കാന് ശ്രമിച്ചെങ്കിലും കഴിഞ്ഞില്ല. തുടര്ന്ന് പഞ്ചായത്ത് അധികൃതര് വനംവകുപ്പ് ഉദ്യോഗസ്ഥരെ വിവരമറിയിക്കുകയായിരുന്നു. സ്ഥലത്തെത്തിയ ജീവനക്കാര് എറെ സമയമെടുത്ത് മുള്ളന്പന്നിയെ കൂടിനുള്ളിലാക്കി. വകുപ്പിന്റെ വെറ്ററിനറി ഡോക്ടര് പരിശോധന നടത്തിയ ശേഷം കാടിനുള്ളില് തുറന്നുവിടുമെന്ന് വനംവകുപ്പ് അധികൃതര് അറിയിച്ചു. രാത്രിയില് തെരുവുനായ്ക്കളുടെ ആക്രമണത്തിലാകാം മുള്ളന്പന്നിക്ക് പരിക്കേറ്റതെന്നാണ് നിഗമനം.
