തിരുവനന്തപുരം : ഡീസല് പ്രതിസന്ധി രൂക്ഷമായോടെ സംസ്ഥാനത്ത് കെഎസ്ആര്ടിസി ഓര്ഡിനറി സര്വീസുകള് വെട്ടിക്കുറച്ചതില് വിശദീകരണം തേടി ഗതാഗത മന്ത്രി ആന്റണി രാജു. സിഎംഡി ബിജു പ്രഭാകറില് നിന്നാണ് മന്ത്രി റിപ്പോര്ട്ട് തേടിയത്. ഇന്നു തന്നെ റിപ്പോര്ട്ട് നല്കാനും മന്ത്രി നിര്ദേശിച്ചു.
ഡീസല് പ്രതിസന്ധിയെ തുടര്ന്ന് സംസ്ഥാനത്ത് കെഎസ്ആര്ടിസി സര്വീസുകള് വ്യാപകമായി കഴിഞ്ഞ ദിവസം വെട്ടിക്കുറച്ചിരുന്നു. ഇന്ന് 25 ശതമാനം ഓര്ഡിനറി സര്വീസുകള് മാത്രമേ ഓടിക്കൂ എന്നും അധികൃതര് വ്യക്തമാക്കിയിട്ടുണ്ട്. നാളെ ഓര്ഡിനറി സര്വീസുകള് ഉണ്ടാകില്ലെന്നും കെഎസ്ആര്ടിസി ഇന്നലെ അറിയിച്ചിരുന്നു. ഈ സാഹചര്യത്തിലാണ് മന്ത്രി റിപ്പോര്ട്ട് തേടിയത്.
അതേസമയം ഇപ്പോഴത്തെ പ്രതിസന്ധിക്ക് ഗതാഗതമന്ത്രിയാണ് ഉത്തരവാദിയെന്ന ആക്ഷേപവുമായി തൊഴിലാളി സംഘടന രംഗത്തെത്തിയിരുന്നു. ഡീസല് പ്രതിസന്ധി മറികടക്കാനുള്ള നടപടി സ്വീകരിക്കുന്നതില് വലിയ വീഴ്ച സംഭവിച്ചു. സാമ്പത്തിക പ്രതിസന്ധി നീണ്ടു പോയാല് കെ എസ് ആര് ടി സി യുടെ ഒരു സര്വ്വീസും അയക്കാനാകാത്ത അവസ്ഥയുണ്ടാകും. മന്ത്രിയുടെ വീഴ്ചയാണ് ഇപ്പോഴത്തെ പ്രതിസന്ധിക്ക് കാരണമെന്ന് ആരോപണവും ഉയര്ന്നിരുന്നു