കോന്നി : കൂലിയും തൊഴിൽ ദിനങ്ങളും വർധിപ്പിക്കണമെന്ന് ആവശ്യപ്പെട്ടുകൊണ്ട് മഹാത്മാ ഗാന്ധി തൊഴിലുറപ്പ് യൂണിയൻ (ഐ.എൻ.ടി.യു.സി) തണ്ണിത്തോട് പോസ്റ്റ്‌ ഓഫീസ് പടിക്കൽ നടത്തിയ ധർണ ജില്ലാ പ്രസിഡന്റ് ജ്യോതിഷ് കുമാർ മലയാലപ്പുഴ ഉദ്ഘാടനം ചെയ്തു. ഗാന്ധിയുടെ പേരിൽ തുടങ്ങിയ പദ്ധതിയായത് കൊണ്ടാണ് കേന്ദ്ര സർക്കാർ തൊഴിലുറപ്പ് പണി ദിവസങ്ങൾ കുറച്ചും ബഡ്ജറ്റ് വിഹിതം താഴ്ത്തിയും പദ്ധതി തകർക്കാൻ ശ്രമിക്കുന്നതെന്ന് അദ്ദേഹം പറഞ്ഞു.
എൽ.എം മത്തായി അദ്ധ്യക്ഷത വഹിച്ചു. കോൺഗ്രസ് മണ്ഡലം പ്രസിഡന്റ് അജയൻ പിള്ള ആനിക്കനാട്, പഞ്ചായത്ത് പ്രസിഡന്റ് കെ. എ കുട്ടപ്പൻ, കെ വി തോമസ്, എം വി അമ്പിളി, കെ ആർ ഉഷ, ജോൺ മാത്യു , ഷാജി കെ സാമൂവൽ, സുസൻ, കുഞ്ഞുമോൻ, സി ഡി ശേഭാ, പി എം ബാബു തുടങ്ങിയവർ പ്രസംഗിച്ചു.
