ഐങ്കൊമ്പ് ആറാം മൈലിൽ ബൈക്കും കാറും കൂട്ടിയിടിച്ച് ഉണ്ടായ അപകടത്തിൽ പരിക്കേറ്റ യുവാവ് മരിച്ചു

പാലാ : ഐങ്കൊമ്പ് ആറാം മൈലിൽ ബൈക്കും കാറും കൂട്ടിയിടിച്ച് ഉണ്ടായ അപകടത്തിൽ പരിക്കേറ്റ യുവാവ് മരിച്ചു. എലിക്കുളം കുരുവിക്കൂട് കുറ്റിക്കാട്ട് ഉണ്ണികൃഷ്ണന്‍റെ മകൻ കെ.യു വിഷ്ണു(25) വാണ് മരിച്ചത്. തൊടുപുഴയിലെ ഒരു തുണിക്കടയിലെ ജീവനക്കാരനാണ്. ബൈക്കിൽ വീട്ടിലേക്ക് മടങ്ങവേ രാത്രി 8.45 നായിരുന്നു അപകടം. അമ്മ. വത്സല. സഹോദരങ്ങൾ. ഗിരീഷ്, മനീഷ്. മൃതദേഹം പാലാ ജനറൽ ആശുപത്രി മോർച്ചറിയിൽ. കാറിടിച്ച് തെറിച്ച വിഷ്ണുവിന്‍റെ ബൈക്ക് എതിരെ വന്ന മറ്റൊരു ബൈക്കിലും ഇടിച്ചു. അദ്ദേഹത്തിനും പരിക്കേറ്റിട്ടുണ്ട്.