ഡല്ഹി: അനുഗ്രഹത്തിനായി അരികിലെത്തിയ ബാലന്റെ ചുണ്ടില് ചുംബിക്കുകയും നാവില് നക്കാന് ആവശ്യപ്പെടുയും ചെയ്ത സംഭവത്തില് മാപ്പ് പറഞ്ഞ് ടിബറ്റന് ആത്മീയാചാര്യനായ ദലൈലാമ. ഔദ്യോഗിക ട്വിറ്റര് അക്കൗണ്ടിലൂടെയാണ് കുട്ടിയോടും കുടുംബത്തോടും മാപ്പ് ചോദിച്ച് ദലൈലാമ എത്തിയത്. സംഭവത്തിന്റെ വീഡിയോ വിവാദത്തിലായിരുന്നു.
അനുഗ്രഹം തേടിയെത്തിയ കുട്ടിയുടെ ചുണ്ടിലാണ് അദ്ദേഹം ചുംബിച്ചത്. തുടര്ന്ന് നാക്ക് പുറത്തേക്കിട്ടു കാണിച്ച ദലൈലാമ കുട്ടിയോട് അതില് നക്കാന് ആവശ്യപ്പെടുകയും ചെയ്തു. ഇതിന്റെ വീഡിയോ സമൂഹമാദ്ധ്യമങ്ങളില് പ്രചരിച്ചിരുന്നു. നിരവധി പേരാണ് തിബറ്റന് ആത്മീയ നേതാവിന്റെ നടപടിക്കെതിരെ രംഗത്തുവന്നത്.