ബസ്തര്‍: മദ്യനിരോധനവുമായി ബന്ധപ്പെട്ട് ഛത്തീസ്ഗഡില്‍ രാഷ്ട്രീയ തര്‍ക്കം തുടരുന്നതിനിടെ വിവാദ പ്രസ്താവനയുമായി സംസ്ഥാന എക്‌സൈസ് മന്ത്രി കവാസി ലഖ്മ. താന്‍ ജീവിച്ചിരിക്കുന്നിടത്തോളം ബസ്തറില്‍ മദ്യനിരോധനം അനുവദിക്കില്ലെന്ന് അദ്ദേഹം പ്രഖ്യാപിച്ചു. മദ്യം കുടിച്ച് ആളുകള്‍ മരിക്കില്ലെന്നും, അമിതമായ മദ്യപാനം മൂലമാണ് ആളുകള്‍ മരിക്കുന്നതെന്നും എക്‌സൈസ് മന്ത്രി പറഞ്ഞു. മദ്യം ആദിവാസികളുടെ ആവശ്യമാണെന്നും മദ്യപാനത്തെ താന്‍ പിന്തുണയ്ക്കുന്നുവെന്നും അദ്ദേഹം പറഞ്ഞു.
മദ്യപാനം ഒരു മനുഷ്യനെ ശക്തനാക്കുന്നുവെന്നും എന്നാല്‍ അമിതമായ മദ്യപാനം അവനെ കൊല്ലുമെന്നും കവാസി കൂട്ടിച്ചേര്‍ത്തു. 100 ശതമാനം ആളുകള്‍ വിദേശത്ത് മദ്യപിക്കുമ്പോള്‍ 90 ശതമാനം പേര്‍ ബസ്തറില്‍ മദ്യപിക്കുന്നു. മദ്യം കുടിച്ച് മനുഷ്യന്‍ മരിക്കുന്നില്ല. മദ്യപാനം നിങ്ങളെ ശക്തനാക്കുന്നു, എന്നാല്‍ അമിതമായ മദ്യപാനം നിങ്ങളെ കൊല്ലുന്നു. മദ്യവും മരുന്നും കുടിക്കുക, മദ്യപിച്ചില്ലെങ്കില്‍ തൊഴിലാളികള്‍ക്ക് ഭാരമുള്ള സാധനങ്ങള്‍ ഉയര്‍ത്താനും, കഠിനാധ്വാനം ചെയ്യാനും കഴിയില്ലെന്ന് അദ്ദേഹം പറഞ്ഞു.
