അത്തിക്കയം: ഇടതുപക്ഷ ജനാധിപത്യമുന്നണിയുടെ നേതൃത്വത്തിൽ നാറാണം മൂഴി സർവ്വീസ് സഹകരണ ബാങ്ക് ഭരണസമിതിയിലേക്കുളള തിരഞ്ഞെടുപ്പ് കൺവൻഷൻ നടത്തി. എൽഡിഎഫ് കൺവീനർ മോഹൻരാജ് ജേക്കബ് അധ്യക്ഷത വഹിച്ചു. സി.ഐ.ടി.യു ജില്ലാ പ്രസിഡൻ്റ് എസ് ഹരിദാസ് ഉദ്ഘാടനം ചെയ്തു. സി.പി.ഐ മണ്ഡലം അസിസ്റ്റന്റ് സെക്രട്ടറി സന്തോഷ് കെ. ചാണ്ടി, ജില്ലാ കൗൺസിലംഗം എം.വി പ്രസന്നകുമാർ, സി.പി.ഐ (എം) ലോക്കൽ സെക്രട്ടറി എസ്.ആർ സന്തോഷ് കുമാര്, സി.പി ഐ ലോക്കൽ സെക്രട്ടറി അനിൽ അത്തിക്കയം, ജനാധിപത്യ മഹിളാ അസോസിയേഷൻ ഏരിയാ സെക്രട്ടറി ലീലാഗംഗാധരൻ, സി.പി.ഐ (എം) കൊല്ലമുള ലോക്കൽ സെക്രട്ടറി ജോജി ജോര്ജ്, കേരളാ കോൺഗ്രസ് മണ്ഡലം പ്രസിഡൻ്റ് ടോബി ടി.വര്ഗീസ്, സി.പി ഐ മണ്ഡലം കമ്മറ്റിയംഗം എം ശ്രീജിത്ത്, ഡിവൈഎഫ്ഐ ഏരിയാ സെക്രട്ടറി മിഥുൻമോഹൻ എന്നിവർ പ്രസംഗിച്ചു.
ഭാരവാഹികളായി അനിൽ അത്തിക്കയം (ചെയർമാൻ), എസ്.ആർ സന്തോഷ് കുമാർ (സെക്രട്ടറി) എന്നിവരെ തെരഞ്ഞെടുത്തു. ജനറല് മണ്ഡലത്തില് സി.എ അജു, കെ.ടി എബ്രഹാം, റ്റോബി ടി.വര്ഗീസ്, കെ.എം തോമസ്, മിഥുന് മോഹന്, എം ശ്യാം കുമാര്, സാം തോമസ്, സി.കെ സുലൈമാന് എന്നിവരും പട്ടികജാതി സംവരണത്തില് എം.ശ്രീജിത്ത്, നിക്ഷേപ മണ്ഡലത്തില് ഇ.കെ ഭാസുരന്, വനിതാ സംവരണത്തില് അന്നമ്മ തോമസ്, രജനി വിനോദ്, ഷീജ വാസുദേവന് എന്നിവരുമാണ് സഹകരണ മുന്നണി സ്ഥാനാര്ത്ഥികള്.