കോന്നി : കോന്നി എലിയറയ്ക്കലില് നിയന്ത്രണം വിട്ട കാര് സമീപത്തുണ്ടായിരുന്ന രണ്ട് വാഹനങ്ങളില് ഇടിച്ചു. സംഭവത്തില് യാത്രക്കാരും നാട്ടുകാരും പരിക്കേല്ക്കാതെ രക്ഷപെട്ടത് തലനാരിഴയ്ക്ക്. അപകടത്തിന് കാരണമായ കാറിന്റെ ടയര് പഞ്ചറായതാണ് അപകടത്തിന് ഇടയാക്കിയത്. ടയര് പൊട്ടിയതിനെ തുടര്ന്ന് നിയന്ത്രണം വിട്ട കാര് റോഡരുകില് നിര്ത്തിയിട്ടിരുന്ന പിക് അപ് വാനിലാണ് ആദ്യം ഇടിച്ചത്. ഇതിന് ശേഷം മുന്നോട്ട് പാഞ്ഞ കാര് സമീപത്തുണ്ടായിരുന്ന മറ്റൊരു കാറിന്റെ പുറകില് ഇടിച്ചു.
വാഹനം നിയന്ത്രിക്കാന് കഴിയാതെ വന്നതോടെ സമീപത്തെ ഇലക്ട്രിക് പോസ്റ്റിലേക്ക് ഡ്രൈവര് കാര് ഇടിച്ച് കയറ്റി നിര്ത്തുകയായിരുന്നു. അപകടത്തില് രണ്ട് കാറുകള് തകര്ന്നു. ആളുകളുടെ ഇടയിലേക്ക് വാഹനം പാഞ്ഞ് കയറാതിരുന്നതിനാല് വലിയ ദുരന്തം ഒഴിവാകുകയായിരുന്നു. കോന്നി പോലീസ് സ്ഥലത്തെത്തി നടപടികള് സ്വീകരിച്ചു. വാഹനങ്ങള് സംസ്ഥാനപാതയില് നിന്നും നീക്കം ചെയ്തു.
