പത്തനംതിട്ട : നഗരസഭ പതിനാറാം വാർഡ് കുടുംബശ്രീ എ. ഡി. എസ് കമ്മിറ്റിയുടെ നേതൃത്വത്തിൽ ഓണാഘോഷ പരിപാടികൾ മൈലാടുംപാറ താഴം ആരോഗ്യ കുടുംബക്ഷേമ ഉപ കേന്ദ്രത്തിൽ വെച്ച് നടത്തപ്പെട്ടു. നഗരസഭ ആരോഗ്യകാര്യ സ്ഥിരം സമിതി അധ്യക്ഷനും വാർഡ് കൗൺസിലറുമായ ജെറി അലക്സ് ഉദ്ഘാടനം ചെയ്തു. സി. ഡി. എസ് മെമ്പർ സന്ധ്യാ പനയ്ക്കൽ,എ. ഡി. എസ് പ്രസിഡന്റ് ഉഷ ചന്ദ്രൻ, വൈസ് പ്രസിഡന്റ് ബ്ലസി രാജു, കമ്മറ്റി അംഗങ്ങളായ പ്രവീണ മനോജ്, ജയ കലോഷ്, ജെസ്സി ജോർജ്, ഇന്ദിരാ രാജശേഖരൻ, രാജശ്രീ അനിൽ, ജിൻസി എന്നിവർ നേതൃത്വം നൽകി. ബാലസഭാ കുട്ടികളുടെയും കുടുംബശ്രീ അംഗങ്ങളുടെയും വൻ പങ്കാളിത്തം കൊണ്ടും വഞ്ചിപ്പാട്ട്, നാടൻ പാട്ട് ഉൾപ്പെടെ വിവിധ കലാകായിക പരിപാടികൾ കൊണ്ടും ഓണാഘോഷം ശ്രദ്ധേയമായി മാറി. കുടുംബശ്രീ അംഗങ്ങൾ തയ്യാറാക്കിയ വിഭവസമൃദ്ധമായ ഓണസദ്യയും നടത്തപ്പെട്ടു.
