പത്തനംതിട്ട : ഗവി കാണാന് എത്തിയ സഞ്ചാരികളുമായി പോയ പത്തനംതിട്ട ഡിപ്പോയിലെ കെഎസ്ആര്ടിസി ബസ് യാത്രാമധ്യേ കേടായി കൊടുംവനത്തില് കുടുങ്ങി. പത്തനംതിട്ടയില് നിന്ന് രാവിലെ ആറരയ്ക്കു കുമളിക്ക് പോയ പത്തനംതിട്ട-ഗവി-കുമളി ബസാണ് മടങ്ങി വരും വഴി ഇന്നലെ വൈകിട്ട് 4 മണിയോടെ പമ്പ അണക്കെട്ട് കഴിഞ്ഞപ്പോള് തകരാറിലായത്. ആനത്തോടിനും പമ്പയ്ക്കുമിടയില് വനത്തിനുള്ളില് വെച്ചാണ് ബസിന് തകരാര് സംഭവിച്ചത്. തകരാര് പരിഹരിക്കാന് ജീവനക്കാര് കിണഞ്ഞ് പരിശ്രമിച്ചെങ്കില് വാഹനം സ്റ്റാര്ട്ട് ചെയ്യാന് കഴിഞ്ഞില്ല.
കണ്ടക്ടര് സാബുവിന്റെ നേതൃത്വത്തില് ബസിലുണ്ടായിരുന്ന 28 യാത്രക്കാര് ആനക്കാട്ടിലൂടെ ഏകദേശം 5 കിലോമീറ്ററോളം നടന്ന് സന്ധ്യയോടെ ആനത്തോട് അണക്കെട്ടിലെ പോലീസ് ഔട്ട് പോസ്റ്റിലെത്തി. രാത്രി ഏഴരയോടെ ഇതുവഴി വന്ന സീതത്തോട് പഞ്ചായത്തിലെ വാഹനത്തില് 7 യാത്രക്കാരെ പത്തനംതിട്ടയില് എത്തിച്ചു. ബാക്കി യാത്രക്കാരെ കൊണ്ടുപോകാന് രാത്രി 10 മണിയോടെ മൂഴിയാറില് സ്റ്റേയുള്ള കെഎസ്ആര്ടിസി ബസ് ആനത്തോട്ടിലെത്തി. പത്തനംതിട്ട, തിരുവനന്തപുരം, തൃശൂര്, മലപ്പുറം ജില്ലക്കാരായ വിനോദ സഞ്ചാരികളായിരുന്നു യാത്രക്കാര്. 4 കുട്ടികളുമുണ്ടായിരുന്നു.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ് ലൈന് ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില് പരിചയമുള്ളവര്ക്കും അപേക്ഷിക്കാം. അപേക്ഷകള് [email protected] ലേക്ക് അയക്കുക. പാസ്പോര്ട്ട് സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള് – 06. കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
