റാന്നി: തെരുവു നായകളെ പിടികൂടി പേവിഷ ബാധയ്ക്കെതിരെയുള്ള പ്രതിരോധ കുത്തിവെപ്പ് എടുക്കുന്ന പദ്ധതിക്ക് തുടക്കമായി. ആദ്യ ദിവസം സിവിൽ സ്റ്റേഷനിൽ നിന്നു മാത്രം കുത്തിവെപ്പെടുത്തത് 12 തെരുവുനായ്ക്കൾക്കാണ്. റാന്നി ഗ്രാമ പഞ്ചായത്തിന്റെ നേതൃത്വത്തിലാണ് പ്രതിരോധ കുത്തിവെപ്പെടുക്കുന്നത്. രണ്ടു ദിവസമായി പഞ്ചായത്തിന്റെ വിവിധ ഇടങ്ങളില് സഞ്ചരിച്ച് നായകളെ പിടികൂടി വരികയാണ്. കൊല്ലം കുണ്ടറ സ്വദേശി ലിബിൻ ലോറൻസിന്റെ നേതൃത്വത്തിലാണ് നായ്ക്കളെ പിടികൂടി കുത്തിവെയ്പിനു വിധേയമാക്കുന്നത്.
പരിശീലനം നേടിയ വെളിയം സ്വദേശി ചന്തു ചന്ദ്രൻ, നെടുമൺകാവ് സ്വദേശി വിഷ്ണുരാജ് എന്നിവരും ലിബിനെ സഹായിക്കുന്നതിനായി കൂടെയുണ്ട്. റാന്നി വെറ്ററിനറി പോളിക്ലിനിക് എഡി ഡോ. എ.പി. സുനിൽകുമാർ, വിഎസ് ഡോ. ആൽഫിൻ ജോസഫ്, ലൈവ്സ്റ്റോക്ക് ഇൻസ്പെക്ടർമാരായ ശരത്, ഗണേശ് ചന്ദ്രൻ, എൻ. രഘുകുമാർ, എസ്.പ്രണവ്, അറ്റൻഡർ പി. ഷീല എന്നിവരാണ് കുത്തിവെപ്പെടു ക്കുന്നത്.
