ചെന്നൈ: എ.ആര് റഹ്മാന്റെ മാതാവ് കരീമ ബീഗം നിര്യാതയായി. ഇന്ന് ഉച്ചയോടെയാണ് മരണം സംഭവിച്ചത്. ആദ്യം അമ്മ കരീമയുടെ ചിത്രം തലക്കെട്ടൊന്നും ഇല്ലാതെ എആര് റഹ്മാന് തന്റെ ട്വിറ്ററിലൂടെ പങ്കുവെച്ചിരുന്നു. ഇതിന് പിന്നാലെ ട്വീറ്റിന് മറുപടിയായി സിനിമാ-സംഗീത രംഗത്ത് നിന്നുള്ളവര് ആദരാഞ്ജലികള് അര്പ്പിച്ചു. തമിഴ് നാട് മുഖ്യമന്ത്രി കെ.പളനിസ്വാമി, ഡിഎംകെ നേതാവ് എംകെ സ്റ്റാലിന് അടക്കമുള്ളവര് ആദരാഞ്ജലികളര്പ്പിച്ചു.
റഹ്മാന്റെ ഒന്പതാം വയസില് അച്ഛന് ആര്.കെ ശേഖറിന്റെ മരണത്തിന് ശേഷം റഹ്മാനെ വളര്ത്തിയത് അമ്മ കരീമ ഒറ്റയ്ക്കാണ്. റഹ്മാന്റെ സംഗീതത്തോടുള്ള അഭിരുചി കണ്ട് സംഗീതം പഠിക്കാന് ചേര്ക്കുന്നതും പതിനൊന്നാം ക്ലാസില് സ്കൂള് പഠനം ഉപേക്ഷിച്ച് സംഗീതത്തിലേക്ക് ശ്രദ്ധ ചെലുത്താനും പറഞ്ഞത് അമ്മയായിരുന്നു.
