വാഷിങ്ടൺ : കാർബോഹൈഡ്രേറ്റ് കുറഞ്ഞ ഭക്ഷണരീതി ശീലിക്കുന്നത് വഴി പ്രമേഹരോഗികളെ സഹായിക്കുമെന്ന് പഠനം. പ്രമേഹം അനിയന്ത്രിത അളവിൽ ഉള്ളവർക്ക് പ്രമേഹം നിയന്ത്രിക്കാനും പ്രമേഹ സാധ്യതയുള്ളവർക്ക് രക്തത്തിലെ ഷുഗർ നില കുറയ്ക്കാനും ഈ ഡയറ്റ് രീതി സഹായിക്കുമെന്നാണ് പഠനത്തിൽ പറയുന്നത്. അമേരിക്കയിലെ ടുലെൻ യൂണിവേഴ്സിറ്റിയാണ് പഠനം സംഘടിപ്പിച്ചത്.
രണ്ട് വിഭാഗം ആൾക്കാരുടെയും ഭക്ഷണക്രമം പഠന വിധേയമാക്കിയായിരുന്നു ഗവേഷണം. ആദ്യത്തെ വിഭാഗത്തിന് കാർബോഹൈഡ്രേറ്റ് കുറഞ്ഞ ഭക്ഷണവും രണ്ടാമത്തെ വിഭാഗം സാധാരണ ഭക്ഷണ ക്രമവും ആറ് മാസത്തേക്ക് പിൻതുടർന്നു. ശേഷം നടത്തിയ ടെസ്റ്റിൽ കാർബോഹൈഡ്രേറ്റ് കുറഞ്ഞ ഭക്ഷണം കഴിച്ച വിഭാഗത്തിന്റെ രക്തത്തിൽ ഷുഗർ ലെവൽ, സാധാരണ ഭക്ഷണം കഴിച്ച വിഭാഗത്തിനെക്കാൾ കുറവായിരുന്നു.
മാത്രമല്ല കാർബോഹൈഡ്രേറ്റ് കുറഞ്ഞ ഭക്ഷണം കഴിച്ച ആൾക്കാരുടെ ഭാരത്തിലും ഫാസ്റ്റിങ്ങ് ഷുഗർ ലെവലിലും കുറവ് അനുഭപ്പെട്ടു. ജാമാ നെറ്റ് വർക്ക് ഓപ്പൺ ജേർണലിൽ ആണ് ഗവേഷണം ഫലം പ്രസിദ്ധികരിച്ചത്. കാർബോഹൈഡ്രേറ്റ് കുറഞ്ഞ ഭക്ഷണക്രമം ശീലിക്കുന്നത് ടൈപ്പ് 2 ഡയബറ്റിസ് വരാതെ ഇരിക്കുന്നതിനും അതിന്റെ ചികിത്സക്കും ഉപകരിച്ചേക്കും. ഇതിനെക്കുറിച്ച് കൂടുതൽ പഠനം ആവശ്യമെന്നും ടുലെൻ യൂണിവേഴ്സിറ്റി സ്കൂൾ ഓഫ് പബ്ലിക്ക് ഹെൽത്ത് ആൻഡ് ട്രോപ്പിക്കൽ മെഡിസിൻ അസിസ്റ്റന്റ് പ്രൊഫസർ ക്രിസ്റ്റൺ ഡൊറൻസ് പറഞ്ഞു.