പത്തനംതിട്ട : വടശ്ശേരിക്കരയിൽ ജനവാസ മേഖലയിലിറങ്ങിയ കടുവ പോത്തിനെ കൊന്നു. വടശ്ശേരിക്കരയിൽ തെക്കുംമല സ്വദേശി ആൽബിന്റെ ഫാമിലെ പോത്താണ് ആക്രമിക്കപ്പെട്ടത്. രാവിലെ ആറര മണിയോടയായിരുന്നു സംഭവം. പോത്തിനെ വലിച്ചു കൊണ്ടുപോകുന്നത് കണ്ട് നാട്ടുകാർ ബഹളം വെച്ചതോടെ കടുവ ഓടി പോകുകയായിരുന്നു. വടശ്ശേരിക്കരയിലെ മുക്കുഴി എസ്സ്റ്റേറ്റിന്റെ കുമ്പളത്താമൺ ഭാഗത്താണ് കടുവ ഇറങ്ങി പോത്തിനെ കൊന്നതായി സംശയിക്കുന്നത്. ടാപ്പിങ്ങിന് എത്തിയ തൊഴിലാളികളാണ് കണ്ടത്. പോത്തിനെ ആക്രമിച്ചത് കടുവ തന്നെയാണെന്ന് ഇവർ പറയുന്നു.
